പരിസ്ഥിതി സംരക്ഷണത്തിന് യുഎഇ പ്രതിജ്ഞാബദ്ധമെന്ന് പ്രസിഡൻ്റ് ശൈഖ് മുഹമ്മദ് ബിൻ സായിദ് അൽ നഹ്യാൻ. 26-ാമത് ദേശീയ പരിസ്ഥിതി ദിനവുമായി ബന്ധപ്പെട്ട് സംസാരിക്കുകയായിരുന്നു അദ്ദേഹം.
യുഎഇ ദേശീയ പരിസ്ഥിതി ദിനം ആചരിക്കുമ്പോൾ ഇപ്പോഴും ഭാവി തലമുറയ്ക്കുമായി നൂതനമായ പദ്ധതികളുമായി മുന്നോട്ട് പോകാൻ ഞങ്ങൾ പ്രതിജ്ഞാബദ്ധരാണ്, കൂടുതൽ സുസ്ഥിരമായ ഒരു ഭാവിക്കായി കൈകോർക്കാൻ ലോകത്തെ ക്ഷണിക്കുന്നു. ഈ നിർണായക പ്രവർത്തനം കോപ് 28-ൽ തുടരുമെന്നും ശൈഖ് മുഹമ്മദ് വ്യക്തമാക്കി.
ദേശീയ പരിസ്ഥിതി ദിനം ആഘോഷിക്കുന്നത് പ്രകൃതി വിഭവങ്ങളും അതിൻ്റെ ആവാസവ്യവസ്ഥയും ജൈവ വൈവിധ്യവും സംരക്ഷിക്കാനുള്ള ശ്രമങ്ങളെ ഉയർത്തിക്കാണിക്കുന്നതായി കാലാവസ്ഥാ വ്യതിയാന പരിസ്ഥിതി മന്ത്രി മറിയം അൽംഹെരി പറഞ്ഞു. 2023 ‘സുസ്ഥിരതയുടെ വർഷമായി’ ശൈഖ് മുഹമ്മദ് പ്രഖ്യാപനം നടത്തിയതിനൊപ്പമാണ് ഈ വർഷത്തെ ആഘോഷങ്ങൾ. 2023ല കോപ് 28 യുഎൻ കാലാവസ്ഥാ ഉച്ചകോടിക്ക് ആതിഥേയത്വം വഹിക്കാൻ യുഎഇ ഒരുങ്ങുകയാണ്.
