ഭീകരവാദ വിരുദ്ധ പോരാട്ടത്തിൽ യുഎഇ തുടർച്ചയായ നാലാം തവണയും ഒന്നാമതായി. ആഗോള ഭീകരവാദ സൂചിക (ജിടിഐ) പ്രകാരം ഭീകരവാദത്തെ ചെറുത്തുകൊണ്ട് അപകട സാധ്യത കുറഞ്ഞതും ഏറ്റവും സുരക്ഷിതവുമായ രാജ്യങ്ങളിൽ ഒന്നാണ് യുഎഇ.
ഭീകരവാദത്തിനെതിരെയുള്ള പോരാട്ടത്തിൽ ഓരോ രാജ്യവും സ്വീകരിച്ച നയങ്ങളും നിലപാടുകളും നടപടികളും വിലയിരുത്തിയാണ് റിപ്പോർട്ട് തയാറാക്കുന്നത്. ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് (ഐഇപി) കണ്ടെത്തലുകളെ അടിസ്ഥാനമാക്കിയാണ് റിപ്പോർട്ട് തയാറാക്കിയത്.
യുഎൻ, രാജ്യാന്തര സംഘടനകൾ, പ്രത്യേക ഗവേഷണ സ്ഥാപനങ്ങൾ, കേന്ദ്രങ്ങൾ, ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് എന്നിവയും റിപ്പോർട്ടിനെ പിന്തുണച്ചിട്ടുണ്ട്.
