യു എസ് മുൻ പ്രസിഡന്റ് ഡൊണാൾഡ് ട്രംപിന്റെ ഫേസ്ബുക്ക്, ഇൻസ്റ്റഗ്രാം അക്കൗണ്ടുകൾ പുനഃസ്ഥാപിച്ചു നൽകുമെന്ന് മാതൃസ്ഥാപനമായ മെറ്റ അറിയിച്ചു. 2021 ൽ ട്രംപിന്റെ അക്കൗണ്ടുകൾക്ക് നിരോധം ഏർപ്പെടുത്തിയിരുന്നു. യു എസ് കാപിറ്റോളിനു നേരെ നടത്തിയ ആക്രമണത്തിനു പിനാലെയായിരുന്നു ഈ നിരോധനം.
അതേസമയം അടുത്ത ആഴ്ചകളിലായി ട്രംപിന്റെ ഫേസ്ബുക്ക്, ഇൻസ്റ്റഗ്രാം അക്കുണ്ടുകൾ പുനസ്ഥാപിച്ചു നൽകുമെന്ന് മെറ്റ ആഗോളകാര്യ പ്രസിഡന്റ് നിക് ക്ലെഗ് വ്യക്തമാക്കി. എന്നാൽ വീണ്ടും കുറ്റകൃത്യങ്ങൾ ആവർത്തിക്കാതിരിക്കാനുള്ള പുതിയ നിയമങ്ങൾ ഏർപ്പെടുത്തിയിട്ടുണ്ടെന്നും അദ്ദേഹം കൂട്ടിച്ചേർത്തു.
എന്നാൽ പ്ലാറ്റ്ഫോമിന്റെ നയങ്ങൾ ലംഘിച്ചാൽ ഓരോ തവണയായി രണ്ട് വർഷത്തെ നിരോധനം നേരിടേണ്ടി വരും. അതേസമയം ട്രംപ് അക്കൗണ്ടുകൾ വീണ്ടും ഉപയോഗിക്കുമോ എന്ന കാര്യത്തിൽ വ്യക്തതയില്ല. ട്രംപിന്റെ അസാന്നിധ്യം ഫേസ്ബുക്കിന് കോടിക്കണക്കിന് നഷ്ടമുണ്ടാക്കിയെന്നായിരുന്നു ട്രംപിന്റെ പരാമർശം.
