ദുബായ് ഷോപ്പിങ് ഫെസ്റ്റിവൽ (ഡിഎസ്എഫ്) ഡിസംബർ 15ന് തുടങ്ങും. 2023 ജനുവരി 29 വരെ നീണ്ടുനിക്കുന്ന ഫെസ്റ്റിലെ ഇത്തവണത്തെ മുഖ്യ ആകർഷണം ഡ്രോണ് ലൈറ്റ് ഷോ ആണ്. വിനോദം, കച്ചേരികൾ, ഫാഷൻ എക്സ്ക്ലൂസീവ്, ഷോപ്പിങ് ഡീലുകൾ, ഹോട്ടൽ ഓഫറുകൾ, റാഫിളുകൾ തുടങ്ങിയ പരിപാടികൾ ഉൾപ്പെടുന്നതാണ് ഫെസ്റ്റിവലിന്റെ 28ാം പതിപ്പെന്ന് സംഘാടകരായ ദുബായ് ഫെസ്റ്റിവൽസ് ആൻഡ് റീട്ടെയിൽ എസ്റ്റാബ്ലിഷ്മെന്റ് അറിയിച്ചു.
ജനപ്രിയ റീട്ടെയിൽ ആശയമായ എത്തിസാലാത് എംഒടിബി, ബുർജ് പാർക്കിലെ ഏറ്റവും ദൈർഘ്യമേറിയ ഡിഎസ്എഫ് ഡ്രോണുകളുടെ ലൈറ്റ് ഷോ, ദുബായ് ലൈറ്റ്സ് എക്സിബിഷൻ എന്നിവയുടെ തിരിച്ചുവരവും ദുബായ് ഷോപ്പിങ് ഫെസ്റ്റിവലിൽ കാണാം. ലോകത്തിന്റെ വിവിധഭാഗങ്ങളിൽ നിന്നുള്ളവർക്ക് ദുബായ് സന്ദർശിക്കാനും ഏറ്റവും ദൈർഘ്യമേറിയ ഷോപ്പിംഗ് ഫെസ്റ്റിവൽ ആസ്വദിക്കാനുമുള്ള മറ്റൊരു അവസരമാണ് ദുബായ് ഷോപ്പിങ് ഫെസ്റ്റിവലിലൂടെ ഒരുങ്ങുന്നതെന്ന് സംഘാടകർ പറഞ്ഞു.