അന്തരിച്ച സംവിധായകൻ സിദ്ദിഖിനെ അനുസ്മരിച്ച് നടൻ സുരാജ് വെഞ്ഞാറമൂട്. ഒരുപാട് ആഗ്രഹിച്ചെങ്കിലും സിദ്ദീഖിൻ്റെ ഒരു സിനിമയിൽ പോലും തനിക്ക് അഭിനയിക്കാൻ സാധിച്ചില്ലെന്ന് സുരാജ് ഫേസ്ബുക്കിലിട്ട പോസ്റ്റിൽ പറഞ്ഞു. സിദ്ദിഖ് സാറിൻ്റെ സിനിമയിൽ അഭിനയിക്കാൻ കാലം ഒരവസരം തന്നില്ല. ഒരു ഹാസ്യകലാകാരൻ എന്ന നിലയിൽ അതൊരു നഷ്ടമായി തന്നെ കരുതുന്നു.
സുരാജ് വെഞ്ഞാറമൂടിൻ്റെ ഫേസ്ബുക്ക് പോസ്റ്റ് –
ഒരുപാട് ആഗ്രഹിച്ചിരുന്നെങ്കിലും സിദ്ദിഖ് സാറിന്റെ ഒരു സിനിമയിൽ പോലും അഭിനയിക്കാൻ എനിക്ക് സാധിച്ചില്ല…
കാലം അതിനുള്ള അവസരങ്ങൾ ഒരുക്കി തന്നിരുന്നില്ല…
ഒരു ഹാസ്യകലാകാരൻ എന്ന നിലയിൽ അതൊരു നിർഭാഗ്യമായി തന്നെ കരുതുന്നു….
ബാല്യകാലം പൊട്ടിച്ചിരികളിലൂടെ രസകരമാക്കിയ സിനിമകളുടെ സൃഷ്ടാവിന്…
എന്നും മലയാളികൾക്ക് ഓർത്തോർത്തു ചിരിക്കാനുള്ള കഥാപാത്രങ്ങളെ സമ്മാനിച്ച അതുല്യ കലാകാരന്…
ഹൃദയത്തിൽ നിന്നും അങ്ങേയറ്റം വേദനയോടെ വിട… ????