ഇരിങ്ങാലക്കുട കാട്ടൂരില്‍ നിന്ന് കാണാതായ വിദ്യാര്‍ത്ഥിനി മരിച്ച നിലയില്‍. കാട്ടൂര്‍ വലക്കഴ സ്വലദേശി ആര്‍ച്ചായണ് മരിച്ചത്. 17 വയസായിരുന്നു. വീടിന് സമീപമുള്ള കിണറ്റില്‍ നിന്നാണ് മൃതദേഹം കണ്ടെത്തിയത്.
വെള്ളിയാഴ്ച മുതലാണ് പ്ലസ് വണ്‍ വിദ്യാര്‍ത്ഥിനിയായ ആര്‍ച്ചയെ കാണാതായത്. പെണ്‍കുട്ടിയെ കാണാനില്ലന്ന് കാണിച്ച് കുടുംബം കാട്ടൂര്‍ പൊലീസില്‍ പരാതി നല്‍കിയിരുന്നു. പെണ്‍കുട്ടിയെ അന്വേഷിച്ച് ആലപ്പുഴ അടക്കമുള്ള പ്രദേശങ്ങളില്‍ കുടുംബം തെരച്ചില്‍ നടത്തിയിരുന്നു.
തുടര്‍ന്ന് വീട്ടില്‍ തിരിച്ചെത്തി ഇന്ന് പുലര്‍ച്ചെ കിണറ്റില്‍ നോക്കിയപ്പോഴാണ് മൃതദേഹം കണ്ടെത്തിയത്. മൃതദേഹം പോസ്റ്റുമോര്‍ട്ടം നടപടികള്‍ക്കായി വിട്ടു നല്‍കും. പോസ്റ്റുമോര്‍ട്ടത്തിന് ശേഷം മാത്രമായിരിക്കും മരണവുമായി ബന്ധപ്പെട്ട കാര്യങ്ങള്‍ വ്യക്തമാവുകയെന്ന് പൊലീസ് അറിയിച്ചു.
