തിരുവനന്തപുരം: ട്രാക്കിലെ അറ്റകുറ്റപ്പണികളുടെ ഭാഗമായി സംസ്ഥാനത്ത് ട്രെയിന് ഗതാഗതത്തില് വീണ്ടും നിയന്ത്രണം.മാവേലിക്കരയ്ക്കും ചെങ്ങന്നൂരിനുമിടയില് അറ്റകുറ്റപ്പണി നടക്കുന്നതിനാല് ചില ട്രെയിനുകള് റദ്ദാക്കിയിട്ടുണ്ട്. ചില ട്രെയിനുകള്ക്ക് നിയന്ത്രണമുണ്ടെന്നും ഇന്ത്യന് റെയില്വെ അറിയിച്ചു.
റദ്ദാക്കിയ ട്രെയിനുകള്
1. എറണാകുളം – ഗുരുവായൂര് എക്സ്പ്രസ് മെയ് എട്ടിനും പതിനഞ്ചിനും റദ്ദാക്കി.
2. കൊല്ലം – എറണാകുളം മെമു എക്സ്പ്രസ് നാളെ മുതല് മെയ് 31 വരെ ഭാഗികമായി റദ്ദാക്കി.
ട്രെയിനുകള്ക്ക് നിയന്ത്രണം
1. ഈ മാസം 15ന് നിലമ്പൂർ- കോട്ടയം ട്രെയിന് അങ്കമാലി വരെ മാത്രം.
2. മെയ് 8,15 തീയതികളില് കണ്ണൂര് – എറണാകുളം എക്സ്പ്രസ് തൃശ്ശൂര് വരെ മാത്രം.
3. മെയ് 8,15 തീയതികളില് തിരുവനന്തപുരം – ഗുരുവായൂര് ഇന്റര്സിറ്റി എറണാകുളം വരെ മാത്രം.
4. മെയ് 9,16 തീയതികളില് ഗുരുവായൂര് – തിരുവനന്തപുരം ഇന്റര്സിറ്റി എറണാകുളത്ത് നിന്ന് പുറപ്പെടും.
5. മെയ് 8,15 തീയതികളിലെ പുനലൂര് – ഗുരുവായൂര് എക്സ്പ്രസ് കോട്ടയം വരെ മാത്രം .
6. മെയ് 15ന് വഞ്ചിനാട് എക്സ്പ്രസ് തൃപ്പൂണിത്തുറ വരെ മാത്രം സര്വ്വീസ് നടത്തും
7. എറണാകുളം കൊല്ലം മെമു മെയ് 30 വരെ കായംകുളം വരെ മാത്രം