സൗദി അറേബ്യയുടെ ചില ഭാഗങ്ങളില് ഇടിമിന്നലോട് കൂടിയ മഴ പെയ്യാൻ സാധ്യതയുണ്ടെന്ന് ജനറല് ഡയറക്ടറേറ്റ് ഓഫ് സിവില് ഡിഫന്സ് അറിയിച്ചു. അടുത്ത വെള്ളിയാഴ്ച വരെയാണ് മഴയ്ക്ക് സാധ്യത പ്രവചിച്ചിട്ടുള്ളത്. ജനങ്ങൾ ജാഗ്രത പാലിക്കണമെന്നും ഡയറക്ടറേറ്റ് ആവശ്യപ്പെട്ടു.
മക്ക, മദീന, അസീര്, അല്ബാഹ, തബൂക്ക്, നജ്റാന്, ജിസാന്, ഹായില് എന്നീ മേഖലകളില് നേരിയതോ ശക്തമോ ആയ മഴയും കാറ്റും ഉണ്ടായേക്കുമെന്ന് ഡയറക്ടറേറ്റ് അറിയിച്ചു. ചിലയിടങ്ങളില് ശക്തമായ പൊടിക്കാറ്റും വീശും. സിവില് ഡിഫന്സ് വിഭാഗം പുറപ്പെടുവിക്കുന്ന നിര്ദ്ദേശങ്ങള് പാലിക്കണമെന്നും ഡയറക്ടറേറ്റ് അറിയിച്ചു.