സൗരോര്‍ജത്തിന്റെ സഹായത്തോടെ പ്രവര്‍ത്തിക്കുന്ന ഒമാനിലെ ആദ്യത്തെ മസ്ജിദ് ബൗഷർ വിലായത്തിൽ തുറന്നു. എൻഡോവ്‌മെന്റ് മതകാര്യ മന്ത്രി ഡോ. മുഹമ്മദ് ബിൻ സഈദ് അൽ മമാരിയുടെ അധ്യക്ഷതയിൽ കഴിഞ്ഞ ദിവസമാണ് അൽ സലാം മസ്ജിദ് തുറന്ന് കൊടുത്തത്.
13,139 ചതുരശ്ര മീറ്റർ സ്ഥലത്താണ് മസ്ജിദ് ഒരുക്കിയിട്ടുള്ളത്. ആധുനിക നിലവാരത്തിലും മികച്ച എൻജിനീയറിങ് സാങ്കേതിക സവിശേഷതകളും മസ്ജിദിന്റെ പ്രത്യേകതകളാണ്. അതേസമയം സുൽത്താൻ ഹൈതം ബിൻ താരിഖ് മസ്ജിദുകൾക്കും മതസ്ഥാപനങ്ങൾക്കും വലിയ ശ്രദ്ധ നൽകുന്നുണ്ടെന്ന് എൻഡോവ്‌മെന്റ് മതകാര്യ മന്ത്രി പറഞ്ഞു.
