ദേ​ശീ​യ ദി​നാ​ഘോ​ഷങ്ങൾക്ക് ഒരുങ്ങി ഒമാൻ

52ാം ദേ​ശീ​യ ദി​നം വിപുലമമായി ആഘോഷിക്കാനൊരുങ്ങി ഒമാൻ. കോവിഡിന് ശേഷമുള്ള ആഘോഷമായതിനാൽ തന്നെ പ​രി​പാ​ടി​ക​ൾ ​ഗംഭീരമായി നടത്താനാണ് തീരുമാനം. ഇ​തി​ന്‍റെ ഭാ​ഗ​മാ​യി റോ​ഡു​ക​ളി​ൽ ഒ​മാ​ന്‍റെ ത്രി​വ​ർ​ണ പ​താ​കകൾ സ്ഥാപിക്കുകയും മറ്റ് അലങ്കാരവും തുടങ്ങിയിട്ടുണ്ട്. ന​വം​ബ​ർ 18നാ​ണ്​ ദേ​ശീ​യ ദി​നാ​ഘോ​ഷം.

മു​ൻ ഭ​ര​ണാ​ധി​കാ​രി സു​ൽ​ത്താ​ൻ ഖാ​ബൂ​സ് ബി​ൻ സ​ഈ​ദി​ന്‍റെ ജ​ന്മ​ദി​ന​മാ​ണ് ഒ​മാ​ൻ ദേ​ശീ​യ ദി​ന​മാ​യി കൊ​ണ്ടാ​ടു​ന്ന​ത്. ആ​ഘോ​ഷ​ത്തി​ന്‍റെ ഭാ​ഗാ​മ​യി നാ​ടും ന​ഗ​ര​വും കൊ​ടി​തോ​ര​ണ​ങ്ങ​ൾ​കൊ​ണ്ട് അ​ല​ങ്ക​രി​ക്കും. കൂടാതെ വി​വി​ധ സൈ​നി​ക വി​ഭാ​ഗ​ങ്ങ​ളു​ടെ പ​രേ​ഡ് ന​ട​ക്കും. ഒ​മാ​ൻ ഭ​ര​ണാ​ധി​കാ​രി ഹൈ​തം ബി​ൻ താ​രി​ഖാ​ണ് പ​രേ​ഡി​ൽ സ​ല്യൂ​ട്ട് സ്വീ​ക​രി​ക്കു​ക. ദേ​ശീ​യ ദി​ന​ത്തി​ന്‍റെ ഭാ​ഗ​മാ​യി വിവിധ ക​ലാ​പ​രി​പാ​ടി​ക​ളും അ​ര​ങ്ങേ​റും.

ദേ​ശീ​യ​ദി​നാ​ഘോ​ഷ​ത്തി​ന്‍റെ ഭാ​ഗ​മാ​യു​ള്ള ലോ​ഗോ പു​റ​ത്തി​റ​ക്കി. സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ ചി​ത്ര​വും ദേ​ശീ​യ ദി​നാ​ഘോ​ഷ വ​ർ​ഷ​വു​മാ​ണ്​ ​ ഇ​ൻ​ഫ​ർ​മേ​ഷ​ൻ മ​ന്ത്രാ​ല​യം പു​റ​ത്തി​റ​ക്കി​യ ലോ​ഗോ​യി​ലു​ള്ള​ത്.