2022ലെ സാമ്പത്തിക ശാസ്ത്രത്തിനുള്ള നൊബേല് സമ്മാനം മൂന്ന് പേര്ക്ക്. ബെന് എസ് ബെര്നാങ്കെ, ഡഗ്ലസ് ഡബ്ല്യു ഡയമണ്ട്, ഫിലിപ്പ് എച്ച് ഡൗബ്വിഗ് എന്നിവര്ക്കാണ് പുരസ്കാരം. ബാങ്കുകളെയും സാമ്പത്തിക പ്രതിസന്ധികളെയും കുറിച്ചുള്ള ഗവേഷണത്തിനാണ് പുരസ്കാരം. മൂവരും യുഎസിലെ സാമ്പത്തിക വിദഗ്ധരാണ്. സമ്മാന തുകയായ 23.85 കോടി രൂപ(10 ദശലക്ഷം സ്വീഡീഷ് ക്രോണര്) ഡിസംബര് 10ന് കൈമാറും.
നിക്ഷേപകര് കൂട്ടത്തോടെ പണം പിന്വലിക്കുമ്പോള് ബാങ്കുകള് തകര്ച്ച നേരിടുന്നതെങ്ങനെയെന്ന് സ്ഥിതിവിവര കണക്കുകളും ചരിത്ര സ്രോതസ്സുകളും ഉപയോഗിച്ച് ബെന് ബെര്നാങ്കെ വിശദീകരിക്കുന്നുണ്ട്. സാമ്പത്തിക ശാസ്ത്രത്തിനുള്ള പുരസ്കാരം ആല്ഫ്രെഡ് നൊബേലിന്റെ സ്മരണക്കായി സ്വീഡിഷ് കേന്ദ്ര ബാങ്കാണ് നല്കിവരുന്നത്.