ലോകത്തിലെ ഏറ്റവും ശക്തരായ 100 വനിതകളുടെ ലിസ്റ്റിൽ ഫോബ്സ് പട്ടികയിൽ വീണ്ടും ഇടം നേടി കേന്ദ്ര ധനമന്ത്രി നിർമല സീതാരാമൻ. നാലാമത്തെ തവണയാണ് നിര്മ്മല സീതാരാമന് ഫോബ്സ് പട്ടികയില് ഇടം നേടുന്നത്. ഇന്ത്യയില് നിന്നും കേന്ദ്ര മന്ത്രി ഉള്പ്പടെയുള്ള ആറ് പേരാണ് ഇത്തവണ ഫോബ്സ് പട്ടികയിൽ ഇടംപിടിച്ചത്.
എച്ച്സിഎൽടെക് ചെയർപേഴ്സൺ റോഷ്നി നാടാർ മൽഹോത്ര , സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി) ചെയർപേഴ്സൺ മാധബി പുരി ബുച്ച് , സ്റ്റീൽ അതോറിറ്റി ഓഫ് ഇന്ത്യ ചെയർപേഴ്സൺ സോമ മൊണ്ടൽ മൽഹോത്ര എന്നിവരും പട്ടികയിൽ ഇടം നേടി. ഇവരെ കൂടാതെ ബയോകോൺ എക്സിക്യൂട്ടീവ് ചെയർപേഴ്സൺ കിരൺ മജുംദാർ-ഷാ, നൈക സ്ഥാപക ഫാൽഗുനി നായർ എന്നിവരാണ് പട്ടികയിൽ ഇടം പിടിച്ച ശക്തരായ മറ്റ് വനിതകൾ.
ഫോബ്സ് പട്ടികയില് 36-ാം സ്ഥാനമാണ് നിർമലാ സീതാരാമനുള്ളത്. 2021-ൽ 37-ാം സ്ഥാനവും 2020-ൽ 41-ാം സ്ഥാനവും 2019-ൽ 34-ാം സ്ഥാനവുമായിരുന്നു മന്ത്രിയ്ക്ക് ലഭിച്ചത്. അതേസമയം ഫോബ്സ് പട്ടികയിൽ വിവിധ കമ്പനികളുടെ 39 സിഇഒമാർ ഉൾപ്പെടുന്നുണ്ട്. 10 രാഷ്ട്രത്തലവന്മാരും 115 ബില്യൺ യുഎസ് ഡോളർ മൂല്യമുള്ള 11 ശതകോടീശ്വരന്മാരും പട്ടികയിലുണ്ട്.