എലത്തൂര്‍ ട്രെയിന്‍ തീവെയ്പ്പ് കേസില്‍ കുറ്റപത്രം സമര്‍പ്പിച്ച് എന്‍ഐഎ. പ്രതിയായ ഷാരൂഖ് സെയ്ഫി ഒറ്റയ്ക്കാണ് കുറ്റകൃത്യം ചെയ്തത് എന്നും ലക്ഷ്യമിട്ടത് ജിഹാദി പ്രവര്‍ത്തനമാണെന്നും കുറ്റപത്രത്തില്‍ എന്‍.ഐ.എ പറയുന്നു.
താന്‍ തിരിച്ചറിയപ്പെടില്ല എന്നതിനാല്‍ അക്രമത്തിന് കേരളം തെരഞ്ഞെടുത്തതെന്നാണ് പ്രതി പൊലീസിന് നല്‍കിയ മൊഴിയില്‍ പറഞ്ഞത്. തീവെയ്പ്പിന് പിന്നാലെ ഡല്‍ഹിയിലെത്തി സമാധാനമായി ജീവിക്കാം എന്നാണ് പ്രതി ആലോചിച്ചത്.
സമൂഹ മാധ്യമങ്ങളിലൂടെയാണ് ഷാരൂഖ് സെയ്ഫി ഭീകര പ്രവര്‍ത്തനങ്ങളില്‍ ആകൃഷ്ടനായതെന്നും കുറ്റപത്രത്തില്‍ പറയുന്നു.
യുഎപിഎ അടക്കമുള്ള വകുപ്പുകള്‍ ചുമത്തിയാണ് കേസ് എടുത്തിരിക്കുന്നത്.
