മോഹന്‍ലാലിനെ കേന്ദ്ര കഥാപാത്രമാക്കി ജീത്തു ജോസഫ് സംവിധാനം ചെയ്ത നേരിന്റെ ട്രെയ്‌ലര്‍ പുറത്തിറങ്ങി. ആശിര്‍വാദ് സിനിമാസിന്റെ യൂട്യൂബ് ചാനലിലൂടെയാണ് ട്രെയ്‌ലര്‍ റിലീസ് ചെയ്തത്. മോഹന്‍ലാലും ട്രെയ്‌ലര്‍ പങ്കുവെച്ചിട്ടുണ്ട്.
മൂന്നാം വര്‍ഷവും ജീത്തു ജോസഫ് മോഹന്‍ലാല്‍ കൂട്ടുകെട്ടില്‍ ഒരുങ്ങുന്ന ചിത്രമാണിതെന്ന പ്രത്യേകത കൂടി നേരിനുണ്ട്. ചിത്രം ഒരു കോര്‍ട്ട് റൂം ഡ്രാമയാണ്. മോഹന്‍ലാല്‍ വക്കീല്‍ വേഷത്തിലാണ് ചിത്രത്തില്‍ എത്തുന്നത്. ഡിസംബര്‍ 21ന് ചിത്രം തിയേറ്ററിലെത്തും.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രത്തിന്റെ നിര്‍മ്മാണം. എലോണിന് ശേഷം ആശിര്‍വാദ് നിര്‍മ്മിക്കുന്ന ചിത്രമാണിത്. ദൃശ്യം 2ല്‍ അഭിഭാഷകയുടെ കഥാപാത്രത്തെ അവതരിപ്പിച്ച ശാന്തി മായാ ദേവിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ജഗതീഷ്, പ്രിയാമണി, അനശ്വര രാജന്‍, സിദ്ദിഖ്, ഗണേഷ് കുമാര്‍ തുടങ്ങിയവരും ചിത്രത്തിലുണ്ട്.
