ഇലോണ്‍ മസ്‌ക് ട്വിറ്റര്‍ സ്വന്തമാക്കിയതിന് പിന്നാലെ കമ്പനി സി ഇ ഒ ഉള്‍പ്പെടെ ഉന്നതരെ പുറത്താക്കി. കോടതി നിര്‍ദേശിച്ചതനുസരിച്ച് കരാര്‍ നടപ്പിലാക്കാനുള്ള കാലാവധി അവസാനിക്കാന്‍ മണിക്കൂറുകള്‍ ബാക്കി ഉള്ളപ്പോള്‍ ആണ് ഇലോണ്‍ മസ്‌ക് ട്വിറ്റര്‍ സ്വന്തമാക്കിയത്. 44 ബില്യണ്‍ ഡോളര്‍ ചെലവഴിച്ചാണ് മസ്‌ക് ട്വിറ്റര്‍ സ്വന്തമാക്കിയത്. ഇതിന് പിന്നാലെ സിഇഒ പരാഗ് അഗര്‍വാള്‍, കമ്പനി സിഎഫ്ഒ, ലീഗല്‍ പോളിസി ട്രസ്റ്റ് ആന്റ് സേഫ്റ്റി മേധാവി എന്നിവരേയും പിരിച്ചുവിട്ടു.
വ്യാജ അക്കൗണ്ട് വിവരങ്ങള്‍ മറച്ചുവച്ചുവെന്ന് കാണിച്ചാണ് ഇവര്‍ക്കെതിരെ നടപടി. ജീവനക്കാരെ കുറയ്ക്കുമെന്നും മസ്‌ക് വ്യക്തമാക്കിയിട്ടുണ്ട്. ട്വിറ്റര്‍ വാങ്ങുന്നതിനുള്ള കരാറില്‍ നിന്ന് പിന്നോട്ട് പോയ മസ്‌കിനെതിരെ കോടതിയില്‍ പോയത് പരാഗിന്റെ നേതൃത്വത്തിലായിരുന്നു. കഴിഞ്ഞ ദിവസം മസ്‌ക് തന്റെ ബയോ ചീഫ് ട്വിറ്റ് എന്ന് മാറ്റിയിരുന്നു.
