തൃശൂരില് ആള്ക്കൂട്ട ആക്രമണത്തില് പരിക്കേറ്റ സന്തോഷിന്റെ ആരോഗ്യനില ഗുരുതരമായി തുടരുകയാണെന്ന് മന്ത്രി കെ രാധാകൃഷ്ണന്. തൃശൂര് മെഡിക്കല് കോളേജില് ന്യൂറോ ഐസിയുവിലെത്തി സന്തോഷിനെ സന്ദര്ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഡോക്ടര്മാര് പരമാവധി ശ്രമിക്കുന്നുണ്ട്. പൊലീസ് വിശദമായി അന്വേഷണം നടത്തുന്നുണ്ട്. സംഭവം അറിഞ്ഞപ്പോള് തന്നെ മുഖ്യമന്ത്രിയുമായും ആരോഗ്യമന്ത്രിയുമായും ബന്ധപ്പെട്ടിരുന്നു. സന്തോഷിന് മികച്ച ചികിത്സ ഉറപ്പാക്കും.
രണ്ടേമുക്കാല് വരെ സന്തോഷ് വീട്ടിലുണ്ടായിരുന്നു. എന്തിനാണ് എന്ന് പോലും അറിയാതെയാണ് മര്ദ്ദനം. ഒരാളെ പോലും രക്ഷപ്പെടാന് അനുവദിക്കില്ലെന്നും മന്ത്രി പറഞ്ഞു.
നാല് പ്രതികള് നിലവില് അറസ്റ്റിലായിട്ടുണ്ട്. മറ്റു പ്രതികള്ക്കായുള്ള അന്വേഷണം തുടരുകയാണെന്നും മന്ത്രി കൂട്ടിച്ചേര്ത്തു.
തൃശൂര് കിള്ളിമംഗലത്താണ് സന്തോഷിനെ മോഷണക്കുറ്റം ആരോപിച്ച് ആക്രിമിച്ചത്. ശനിയാഴ്ച പുലര്ച്ചെ രണ്ട് മണിയോടെയാണ് സംഭവം.
കിള്ളിമംഗലം പ്ലാക്കല് പീടികയില് അബാസിന്റെ വീട്ടില് നിന്ന് തുടര്ച്ചയായി അടക്ക മോഷണം പോയിരുന്നു. അടക്കമൊത്തവ്യാപാരിയാണ് അബ്ബാസ്. കുറച്ചു ദിവസമായി ഇവര് സിസിടിവി വെച്ച് നിരീക്ഷിച്ച് വരികയായിരുന്നു. ഇതിനിടയിലാണ് സന്തോഷിനെ തടഞ്ഞുവെച്ച് നാട്ടുകാരും അബ്ബാസിന്റെ വീട്ടുകാരും മര്ദ്ദിച്ചതെന്നാണ് വിവരം.
സന്തോഷിനെ കെട്ടിയിട്ട് മര്ദ്ദിച്ച ചിത്രങ്ങള് പൊലീസിന് ലഭിച്ചിട്ടുണ്ട്. തൃശൂര് മെഡിക്കല് കോളേജില് പ്രവേശിപ്പിച്ച സന്തോഷിനെ അടിയന്തര ശസ്ത്രക്രിയക്കും വിധേയനാക്കിയിരുന്നു.