നടന് ഹരീഷ് പേങ്ങന് അന്തരിച്ചു. കരള് രോഗത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയില് ആയിരുന്നു. വയറുവേദനയെ തുടര്ന്ന് ആശുപത്രിയില് പ്രവേശിപ്പിച്ചപ്പോഴാണ് ഗുരുതരമായ കരള് രോഗമാണെന്നും ഉടന് കരള് മാറ്റിവെക്കല് ശസ്ത്രക്രിയ നടത്തണമെന്നും ഡോക്ടര്മാര് നിര്ദേശിക്കുന്നത്.
ഹരീഷിന്റെ ഇരട്ട സഹോദരിയായ ശ്രീജ കരള് ദാനത്തിന് തയ്യാറായിരുന്നു. ശസ്ത്രക്രിയയ്ക്ക് വേണ്ട തുക അഭ്യര്ത്ഥിച്ച് സുഹൃത്തുക്കള് സോഷ്യല് മീഡിയയിലൂടെ സഹായം അഭ്യര്ത്ഥിക്കുകയും ചെയ്തിരുന്നു. അതിനിടെയാണ് മരണം സംഭവിച്ചത്.
മഹേഷിന്റെ പ്രതികാരം, ഹണീ ബീ 2.5, വെള്ളരിപ്പട്ടണം, ഷഫീക്കിന്റെ സന്തോഷം, ജാനേ മന്, ജയ ജയ ജയ ഹേ, പ്രിയന് ഓട്ടത്തിലാണ്, മിന്നല് മുരളി തുടങ്ങിയ ചിത്രങ്ങളില് ശ്രദ്ധേയമായ കഥാപാത്രങ്ങളെ അവതരിപ്പിച്ചു.