മോഹന്ലാലിനെ കേന്ദ്ര കഥാപാത്രമാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിഭന്റെ ഔദ്യോഗിക ടീസര് പുറത്തിറങ്ങി. പ്രേക്ഷകര് ഏറെ ആകാംഷയോടെ കാത്തിരിക്കുന്ന മോഹന്ലാല് ചിത്രം കൂടിയാണിത്. ടീസറില് മോഹന്ലാലിന്റെ കഥാപാത്രത്തെ കുറിച്ച് കൂടുതല് വിവരങ്ങളൊന്നും കൊടുത്തിട്ടില്ല.
2024, ജനുവരി 25നാണ് ചിത്രം റിലീസ് ചെയ്യുന്നത്. ലിജോ ജോസ് പെല്ലിശ്ശേരി-മോഹന്ലാല് കൂട്ടുകെട്ടില് ഇറങ്ങുന്ന ആദ്യ ചിത്രം കൂടിയാണിത്. മോഹന്ലാലിനൊപ്പം സൊനാലി കുല്ക്കര്ണി, ഹരീഷ് പേരടി, മനോജ് മോസസ്, കാന്ത നന്ദി, മണികണ്ഠന് ആചാരി എന്നിവരും ചിത്രത്തില് അഭിനയിക്കുന്നുണ്ട്.
ലിജോ ജോസ് പെല്ലിശ്ശേരിയും പി.എസ് റഫീക്കും ചേര്ന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. മധു നീലകണ്ഠനാണ് ഛായാഗ്രാഹകന്. പ്രശാന്ത് പിള്ളയാണ് ചിത്രത്തിന്റെ സംഗീത സംവിധായകന്. എഡിറ്റര്-ദീപു ജോസഫ്, കല സംവിധാനം – ഗോകുല് ദാസ്. പീരിയഡ് ഡ്രാമയായ ‘മലൈക്കോട്ടൈ വാലിബന്’ ജോണ് ആന്ഡ് മേരി ക്രിയേറ്റീവ്, സെഞ്ച്വറി ഫിലിംസ്, മാക്സ് ലാബ്, സരിഗമ എന്നിവര് ചേര്ന്നാണ് ചിത്രം നിര്മ്മിക്കുന്നത്.