നെറ്റ്ഫ്ളിക്സിനെതിരെ ഹര്ജിയുമായി കൂടത്തായി കേസിലെ രണ്ടാം പ്രതി. കൂടത്തായി കേസ് സംബന്ധിച്ച് നെറ്റ്ഫ്ളിക്സും ചില ഓണ്ലൈന് മാധ്യമങ്ങളും ചാനലുകളും തെറ്റായ വിവരം പ്രചരിപ്പിക്കുന്നത് തടയാന് നടപടി സ്വീകരിക്കണമെന്നാണ് രണ്ടാം പ്രതിയായ എം.എസ് മാത്യു ഹര്ജിയില് പറഞ്ഞിരിക്കുന്നത്.
ഹര്ജി പ്രോസിക്യൂഷന്റെ മറുപടിക്കായി 29-ാം തീയതിയിലേക്ക് മാറ്റി. ചികിത്സയ്ക്കായി ജാമ്യം അനുവദിക്കണമെന്നാവശ്യപ്പെട്ട് ഒന്നാംപ്രതി ജോളി സമര്പ്പിച്ച ഹര്ജിയും കൊലപാതകപരമ്പരയിലെ മറ്റുകേസുകളും അന്ന് കോടതി പരിഗണിക്കും.
2023 ഡിസംബര് 22-നാണ് കറി ആന്ഡ് സയനേഡ്: ദ ജോളി ജോസഫ് കേസ് എന്ന പേരില് നെറ്റ്ഫ്ളിക്സ് ഡോക്യു സീരീസ് പുറത്തിറക്കിയത്. യഥാര്ത്ഥ ദൃശ്യങ്ങളും കുടുംബാംഗങ്ങളുടെ അഭിമുഖങ്ങളും ഉള്പ്പെടുത്തിയതായിരുന്നു സീരീസ്. മലയാളം, ഹിന്ദി, ഇംഗ്ലീഷ് എന്നീ ഭാഷകളിലാണ് സീരീസ് റിലീസ് ചെയ്തത്. ഇതിന് പിന്നാലെയാണ് രണ്ടാം പ്രതി ഹര്ജി സമര്പ്പിച്ചിരിക്കുന്നത്.