കൊല്ലം കിളികൊല്ലൂരിലെ പോലീസ് മര്ദനത്തില് റിപ്പോര്ട്ട് തേടി കരസേന. സൈനികനെ അറസ്റ്റ് ചെയ്ത സംഭവം ആര്മി ഉദ്യോഗസ്ഥരെ അറിയിക്കുന്നതില് പോലീസിന് വീഴ്ചപറ്റിയെന്ന കണ്ടെത്തലിനെ തുടര്ന്നാണ് ഇടപെടല്. സംഭവത്തില് ചീഫ് സെക്രട്ടറിയോടും ഡിജിപിയോടും വിശദീകരണം തേടിയിട്ടുണ്ട്. സൈനികന് വിഷ്ണുവിനെ കള്ളക്കേസില് കുടുക്കി ക്രൂരമായി മര്ദിച്ചുവെന്ന് കാണിച്ച് അമ്മ സലില പ്രതിരോധ മന്ത്രി രാജ്നാഥ് സിങിന് പരാതി നല്കും.
ആരോപണവിധേയരായ പോലീസുകാര്ക്കെതിരെ പൂര്ണമായി നടപടിയെടുത്തിട്ടില്ല. ഒന്പത് പേര്ക്കെതിരെ പരാതി നല്കിയതില് വെറും നാല് പോലീസുകാര്ക്കെതിരെ മാത്രമാണ് നടപടി സ്വീകരിച്ചിട്ടുള്ളത്. ഒരു സൈനികന് അവധിയിലാണെങ്കിലും അയാള് ഡ്യൂട്ടിയിലാണെന്നാണ് സൈന്യം കണക്കാക്കുക. ഏതെങ്കിലും കേസില് സൈനികന് പ്രതിയായാല് സമീപത്തെ റെജിമെന്റിനെ അറിയിക്കുകയെന്നതാണ് നിയമം. അങ്ങനെ വരുമ്പോള് തിരുവനന്തപുരം പാങ്ങോട് റെജിമെന്റിലാണ് അറിയിക്കേണ്ടത്. തുടര്ന്ന് മിലിട്ടറി പോലീസ് കേസ് ഏറ്റെടുക്കുക എന്നതാണ് സൈന്യത്തിലെ രീതി.