സംസ്ഥാനത്ത് വ്യാഴാഴ്ചവരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ബംഗാൾ ഉൽക്കടലിൽ ന്യൂനമർദ്ദം രൂപപ്പെട്ടിട്ടുണ്ട്. അടുത്തത് 12 മണിക്കൂറിനുള്ളിൽ കൂടുതൽ ശക്തി പ്രാപിക്കുമെന്ന് കരുതുന്നു. ഒഡിഷ – ചത്തിസ്ഗർ തീരങ്ങളിലേക്ക് സഞ്ചരിച്ച് വടക്ക് പടിഞ്ഞാറു ദിശയിലേക്ക് എത്താനാണ് സാധ്യതയെന്നും വിലയിരുത്തുന്നു. സാധാരണ സ്ഥാനത്ത് നിന്നും മാറി തെക്ക് ഭാഗത്തയാണ് മൺസൂൺ പാത്തി നിലവിൽ സ്ഥിതി ചെയ്യുന്നതെന്നും തീരദേശ വാസികൾ ജാഗ്രത പുലർത്തണമെന്നും കാലാവസ്ഥാ വകുപ്പ് മുന്നറിപ്പ് നൽകി
അതേസമയം മലയോരപ്രദേശങ്ങളിൽ മണ്ണിടിച്ചിലിനും ഉരുൾപൊട്ടലിനും സാധ്യത നിലനിൽക്കുന്നതിനാൽ ജാഗ്രത തുടരണം. വനത്തിലും മലയോരങ്ങളിലും മഴ തുടരുന്നതിനാലും അണക്കെട്ടുകളിൽ നിന്ന് നിയന്ത്രിത അളവിൽ വെള്ളം പുറത്തേക്ക് ഒഴുക്കുന്നതിനാലും നദികളിലെ ഒഴുക്ക് ശക്തമായിരിക്കും. ആയതിനാൽ യാതൊരു കാരണവശാലും ആരും ജലാശയങ്ങളിൽ ഇറങ്ങാൻ പാടില്ല.