32 വർഷങ്ങൾക്ക് ശേഷം ആദ്യമായി കശ്മീരിലെ തീയറ്ററുകളിൽ ടിക്കറ്റ് കൗണ്ടറിന് മുന്നിൽ ഹൗസ്ഫുൾ ബോർഡ് വീണു. ‘പത്താന്റെ’ റിലീസിനോടാനുബന്ധി ച്ചാണ് തിയ്യറ്റർ ഹൗസ്ഫുൾ ആയത്. ഷാരൂഖിനോട് നന്ദിയുണ്ടെന്ന് അറിയിച്ചുകൊണ്ടുള്ള ട്വിറ്റർ പോസ്റ്റ് ജന ശ്രദ്ധ നേടുകയാണ്.
ശ്രീനഗർ ശിവ്പോരയിലുള്ള ഇനോക്സ് തീയറ്ററില് ജനുവരി 27ന് ഉച്ചയ്ക്ക് രണ്ടരയ്ക്കും , വൈകുന്നേരം ആറ് മണിയ്ക്കും ആറ് ഷോകളായാണ് ‘പത്താൻ’ സ്ക്രീൻ ചെയ്തത്. അതിൽ അഞ്ചു ഷോകൾക്കും വേഗത്തില് ടിക്കറ്റുകൾ വിറ്റുപോയി. ജനുവരി 28, 29 തിയതികളിലായും സമാനമായ ബുക്കിംഗാണുള്ളത്.
ശ്രീനഗറിലെ തീയറ്ററില് റിലീസ് ദിവസമുള്ള എല്ലാ ഷോകളും ഹൗസ്ഫുള് ആയിരുന്നു. പത്താനോടും ഷാരൂഖ് ഖാനോടും കാശ്മീർ അസാധാരണമായ സ്നേഹമാണ് കാണിക്കുന്നതെന്ന് ഇതിൽ നിന്നും വ്യക്തമാണ് എന്നും ഇനോക്സ് ട്വീറ്റർ പോസ്സ്റ്റിൽ കുറിച്ചു. ഷാരൂഖ് ഖാന് നായകനായ പത്താൻ വലിയ വിജയത്തിലേക്ക് കുതിക്കുകയാണെന്നും അവർ കൂട്ടിച്ചേർത്തു. കൂടാതെ റിലീസ് ദിവസം തന്നെ ബോക്സ്ഓഫീസില് നൂറുകോടിയോളം രൂപ ചിത്രം നേടിയിട്ടുണ്ടെന്നാണ് പുറത്ത് വരുന്ന വിവരങ്ങൾ.