മാധ്യമപ്രവര്‍ത്തകന്‍ സിദ്ദിഖ് കാപ്പന്‍ പ്രതിയായ ഇ.ഡി കേസിന്റെ വിചാരണ കേരളത്തിലേക്ക് മാറ്റണമെന്ന ആവശ്യം സുപ്രീം കോടതി തള്ളി. വിചാരണ ഉത്തര്‍പ്രദേശില്‍ വെച്ച് തന്നെ നടത്താന്‍ കോടതി ഉത്തരവിട്ടു. കേസിലെ ഒന്നാം പ്രതി റൗഫ് ഷെരീഫാണ് കേസ് കേരളത്തിലേക്ക് മാറ്റണമെന്ന് ആവശ്യപ്പെട്ട് ഹര്‍ജി നല്‍കിയത്.
ജസ്റ്റിസ് രാമസുബ്രഹ്‌മണ്യം അധ്യക്ഷനായ ബെഞ്ചിന്റേതാണ് ഉത്തരവ്. നിലവില്‍ ലഖ്‌നൗവിലാണ് കേസ് നടക്കുന്നത്.
കേസിലെ പ്രധാനപ്പെട്ട സാക്ഷികളെല്ലാം കേരളത്തില്‍ നിന്നാണ്. അതിനാല്‍ കേസ് കേരളത്തിലേക്ക് മാറ്റണമെന്നാണ് റൗഫ് ഷെരീഫ് ഹര്‍ജിയില്‍ ആവശ്യപ്പെട്ടത്. എന്നാല്‍ കേസ് കേരളത്തിലേക്ക് മാറ്റുന്നതിനെ ഇ.ഡി എതിര്‍ത്തു.
