ഫാസില് സംവിധാനം ചെയ്ത സൂപ്പര്ഹിറ്റ് ചിത്രം മണിച്ചിത്രത്താഴ് ഇന്നാണ് സംഭവിക്കുന്നതെങ്കില് അത് ഒരിക്കലും വിജയിക്കില്ലെന്ന് നടന് ജാഫര് ഇടുക്കി. എലോക്വന്സിനോട് സംസാരിക്കവെയാണ് താരം ഇങ്ങനെയൊരു പരാമര്ശം നടത്തിയത്. അതിന് കാരണവും ജാഫര് ഇടുക്കി വ്യക്തമാക്കുന്നുണ്ട്.
മണിച്ചിത്രത്താഴ് ഇന്നിറങ്ങിയാല് ആദ്യ ദിനം തന്നെ ശോഭനയാണ് നാഗവല്ലിയെന്ന കാര്യം പുറത്തുവരുമെന്നും അതറിയാതെ ഇരിക്കണമെങ്കില് വല്ല ഗുഹയില് ചെന്നെങ്ങാനും പടം പിടിക്കേണ്ടി വരുമെന്നുമാണ് ജാഫര് ഇടുക്കി പറഞ്ഞത്.
ജാഫര് ഇടുക്കി പറഞ്ഞത് :
മണിച്ചിത്രത്താഴ് ഇന്നാണ് സംഭവിക്കുന്നതെങ്കില് അത് വിജയിക്കില്ല. കാരണം സിനിമയുടെ സസ്പെന്സ് ആദ്യദിനം തന്നെ കുറേ പേര് ഫോണില് പകര്ത്തും. ശോഭന നാഗവല്ലിയാണ് എല്ലാവരും കാണണം എന്നവര് പറയും. ഒളിച്ചും പാത്തും വല്ല ഗുഹയില് ചെന്ന് എടുക്കേണ്ടി വന്നേനെ. അങ്ങനെയൊക്കെ പ്രശ്നമുണ്ട്.
സിനിമ ഷൂട്ട് ചെയ്യുന്ന സ്ഥലത്ത് വലിയ ശല്യമായി മാറിയിരിക്കുന്ന ഒന്നാണ് ആളുകളുടെ ഫോണ് റെക്കോര്ഡിങ്. നമ്മള് അനൗണ്സ് ചെയ്താലും അവര് റെക്കോര്ഡ് ചെയ്യും. അങ്ങനെ ഒരാള് റെക്കോര്ഡ് ചെയ്യുമ്പോള് ഒരു നിര്മാതാവിന്റെ മനസൊക്കെ എത്ര വിഷമിക്കുന്നുണ്ടാവും എന്നറിയുമോ. എത്ര കാശ് മുടക്കിയാണ് സിനിമ ചെയ്യുന്നതെന്ന് അറിയുമോ. അതാണ് ഒരൊറ്റ ക്ലിക്കില് ഒന്നും അല്ലാതെ ആക്കുന്നത്.