അമേരിക്കയിലെ ഷിക്കാഗോയില്‍ ഭര്‍ത്താവ് വെടിവെച്ച ഗര്‍ഭിണിയായ മലയാളി യുവതിയുടെ ആരോഗ്യനില ഗുരുതരം. യുവതിയുടെ വയറ്റിലും താടിയെല്ലിനുമാണ് വെടിയേറ്റതെന്ന് ബന്ധുക്കള്‍ പറഞ്ഞു.
കോട്ടയം ഉഴവൂര്‍ കുന്നാംപടവില്‍ ഏബ്രഹാം-ലാലി ദമ്പതിയുടെ മകള്‍ മീരയ്ക്കാണ് വെടിയേറ്റത്. 32കാരിയായ മീരയെ കുടുംബ പ്രശ്‌നങ്ങളെ തുടര്‍ന്ന് ഭര്‍ത്താവ് ഏറ്റുമാനൂര്‍ പഴയമ്പിള്ളി സ്വദേശി അമല്‍ റെജി വെടിവെയ്ക്കുകയായിരുന്നു. കഴിഞ്ഞ ദിവസമാണ് സംഭവം.
യുവതിയുടെ വയറ്റിലെ രക്തസ്രാവം നിയന്ത്രണ വിധേയമായിട്ടില്ലെന്നാണ് വിവരം. അമല്‍ റെജിയെ ഷിക്കാഗോ പൊലീസ് അറസ്റ്റ് ചെയ്തിരുന്നു. മീരയും ഇരട്ട സഹോദരി മീനുവും ഷിക്കാഗോയില്‍ അടുത്തടുത്ത വീടുകളിലാണ് താമസിക്കുന്നത്.
