പൊതുമേഖല സ്ഥാപനങ്ങളിലെ പെന്ഷന് പ്രായം 60 ആക്കിയ ഉത്തരവ് മരവിപ്പിച്ച് സര്ക്കാര്. ഇന്ന് ചേര്ന്ന മന്ത്രിസഭ യോഗത്തിലാണ് തീരുമാനം. യുവജനസംഘടനകളുടെ പ്രതിഷേധത്തെ തുടര്ന്നാണ് സര്ക്കാര് നിലപാട് തിരുത്തിയത്. തല്ക്കാലത്തേക്ക് തുടര്നടപടികള് വേണ്ടെന്നാണ് തീരുമാനം
കെ എസ് ഇ ബി, കെ എസ് ആര് ടി സി, വാട്ടര് അതോറിറ്റി എന്നീ സ്ഥാപനങ്ങൾ ഒഴികെയുള്ള എല്ലാ പൊതുമേഖലാ സ്ഥാപനങ്ങളിലും വിരമിക്കൽ പ്രായം 58ൽ നിന്ന് 60 ആക്കി കഴിഞ്ഞ ശനിയാഴ്ചയാണ് സർക്കാർ ഉത്തരവിറക്കിയത്. പൊതുമേഖലാ സ്ഥാപനങ്ങൾക്ക് പൊതുമാനദണ്ഡം നിശ്ചയിക്കാൻ 2017ൽ നിയോഗിച്ച വിദഗ്ധ സമിതിയുടെ ശുപാർശ കണക്കിലെടുത്തായിരുന്നു സർക്കാർ തീരുമാനം. എന്നാൽ, ഈ തീരുമാനത്തിനെതിരെ കടുത്ത പ്രതിഷേധമാണ് ഉയർന്നത്.
ഏകദേശം ഒരു ലക്ഷത്തോളം ഉദ്യോഗാര്ഥികളെ ബാധിക്കുന്ന തീരുമാനത്തിനെതിരെ വലിയ പ്രതിഷേധം ഉയര്ന്നിരുന്നു. ഭരണ-പ്രതിപക്ഷ യുവജനസംഘടനകള് പെന്ഷന് പ്രായ വര്ധനക്കെതിരെ രംഗത്തുവന്നു.