വില്ല നിര്‍മിച്ച് നല്‍കാമന്ന് പേരില്‍ പണം തട്ടിയെന്ന പരാതിയില്‍ ക്രിക്കറ്റ് താരം ശ്രീശാന്തിനെതിരെ പരാതി. ശ്രീശാന്ത് അടക്കം മൂന്ന് പേര്‍ക്കെതിരെയാണ് വഞ്ചാനക്കുറ്റത്തിന് പരാതി.
കൊല്ലൂരില്‍ വില്ല നിര്‍മിച്ച് നല്‍കാമെന്ന് പറഞ്ഞ് കണ്ണപുരം ചുണ്ട സ്വദേശി സരീഗ് ബാലഗോപാലിന്റെ പക്കല്‍ നിന്ന് 18,70,000 രൂപ വാങ്ങിയെന്നാണ് പരാതി. പണം തിരികെ ചോദിച്ചപ്പോള്‍ ക്രിക്കറ്റ് അക്കാദമിയുടെ ഭാഗമാക്കാമെന്ന് പറഞ്ഞതായും പരാതിക്കാരന്‍ പറഞ്ഞു.
ഉഡുപ്പി സ്വദേശികളായ രാജീവ് കുമാര്‍, കെ വെങ്കിടേഷ് കിനി എന്നിവരാണ് മറ്റു പ്രതികള്‍. കേസില്‍ മൂന്നാം പ്രതിയാണ് ശ്രീശാന്ത്. പരാതിയില്‍ കണ്ണൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയാണ് കേസെടുത്ത് അന്വേഷണത്തിന് ഉത്തരവിട്ടത്.
