മുന് മന്ത്രിയും ജനതാദള് മുന് സംസ്ഥാന പ്രസിഡന്റുമായിരുന്ന പ്രൊഫ. എന് എം ജോസഫ് അന്തരിച്ചു. 79 വയസായിരുന്നു. വാര്ദ്ധക്യ സാഹചമായ അസുഖങ്ങളെ തുടര്ന്ന് ഇന്ന് പുലർച്ചെ മൂന്ന് മണിയോടെ പാലാ മരിയൻ മെഡിക്കൽ സെന്ററിലായിരുന്നു അന്ത്യം.
1987 മുതല് 1991 വരെ നയനാര് മന്ത്രിസഭയില് വനം വകുപ്പ് മന്ത്രിയായിരുന്നു. 1987ല് പൂഞ്ഞാറില് നിന്നാണ് വിജയിച്ചത്. പാലാ സെന്റ് തോമസ് കോളേജില് സാമ്പത്തിക ശാസ്ത്ര വിഭാഗം തലവനായിരുന്നു. കേരള യൂണിവേഴ്സിറ്റി സെനറ്റ് അംഗം, പാലാ മാര്ക്കറ്റിങ് സൊസൈറ്റി പ്രസിഡന്റ്, എകെപിസിടിഎ ജനറല് സെക്രട്ടറി തുടങ്ങിയ നിലകളില് പ്രവര്ത്തിച്ചിട്ടുണ്ട്.
ഭൗതിക ശരീരം ഇന്ന് വൈകിട്ട് നാലിന് പാലാ കടപ്പാട്ടൂരിലുള്ള വസതിയില് കൊണ്ടുവരും. സംസ്കാരം ഔദ്യോഗിക ബഹുമതികളോടെ പാലാ അരുണാപുരം സെന്റ് തോമസ് പള്ളിയിൽ നാളെ നടക്കും. ഭാര്യ എലിസബത്ത് ജോസഫ്, ഒരു മകനും മകളുമുണ്ട്.