കരിപ്പൂർ: സൌദ്ദി അറേബ്യയിലെ റിയാദ് ആസ്ഥാനമായി പ്രവർത്തിക്കുന്ന ഫ്ളൈ നാസ് എയർലൈൻസ് കോഴിക്കോട് – റിയാദ് സെക്ടറിൽ പുതുതായി രണ്ട് സർവ്വീസുകൾ കൂടി ആരംഭിക്കുന്നു. ഇതോടെ ആഴ്ചയിൽ ആറ് സർവ്വീസുകൾ കോഴിക്കോട് – റിയാദ് സെക്ടറിലുണ്ടാവും. വ്യാഴാഴ്ച ഒഴികെ എല്ലാ ദിവസവും കോഴിക്കോട് – റിയാദ് റൂട്ടിൽ ഈ നോണ് സ്റ്റോപ്പ് സർവ്വീസ് ലഭ്യമായിരിക്കും.
റിയാദിൽ നിന്നും പ്രാദേശിക സമയം അർധരാത്രി 12.40-ന് പുറപ്പെടുന്നവിമാനം കോഴിക്കോട് വിമാനത്താവളത്തിൽ രാവിലെ 8.20ന് എത്തും. തിരികെ കോഴിക്കോട് നിന്നും രാവിലെ 9.10 ന് പുറപ്പെടുന്ന വിമാനം 11.45-ന് റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിൽ ഇറങ്ങും. ഫ്ലൈ നാസ് കൂടാതെ എയർഇന്ത്യ എക്സ്പ്രസ്സ് വിമാനവും റിയാദ് – കോഴിക്കോട് സെക്ടറിൽ നേരിട്ടുള്ള സർവ്വീസ് നടത്തുന്നുണ്ട്. റിയാദിലേക്കുള്ള പുതിയ സർവ്വീസ് ഉംറ തീർത്ഥാടകർക്കും വലിയ ഗുണം ചെയ്യും.