ബഹ്‌റൈനിൽ തൊഴിൽ രംഗത്ത് പരിഷ്കരണങ്ങൾ നടപ്പിലാക്കുന്നു. ഇതിന്റെ ഭാഗമായി ഫ്ലെക്സി വർക്ക് പെർമിറ്റ്‌ നിർത്തലാക്കുമെന്ന് ഔദ്യോഗിക വൃത്തങ്ങൾ അറിയിച്ചു. അതേസമയം പ്രവാസി തൊഴിലാളികൾക്കുള്ള സംരക്ഷണം വർധിപ്പിക്കും. തൊഴിൽപരമായ രജിസ്ട്രേഷനും തൊഴിൽ മാറ്റുന്നതിനുള്ള നടപടി ക്രമങ്ങളും കാര്യക്ഷമമാക്കാനാണ് തീരുമാനം. ഇത് സംബന്ധിച്ച വിവരങ്ങൾ ബഹ്‌റൈൻ കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫയാണ് പുറത്ത് വിട്ടത്.
ബഹ്‌റൈനിലെ ലേബർ മാർക്കറ്റ് അതോറിറ്റി നടപ്പാക്കുന്ന പുതിയ പുതിയ പരിഷ്കരണങ്ങൾ
1) തൊഴിലാളികളുടെ രജിസ്ട്രേഷൻ എളുപ്പമാക്കാൻ പുതിയ ലേബർ രജിസ്ട്രേഷൻ കേന്ദ്രങ്ങൾ, ഓൺലൈൻ പോർട്ടൽ കേന്ദ്രങ്ങൾ എന്നിവ സ്ഥാപിക്കും.
2) തൊഴിലുടമയും തൊഴിലാളിയും തമ്മിലുള്ള തർക്കങ്ങളിൽ ലേബർ മാർക്കറ്റ് അതോറിറ്റിയുടെ ഇടപെടലുകൾ.
3) ജോലി സ്ഥലങ്ങളിലെ സുരക്ഷാ ഉറപ്പാക്കാൻ തൊഴിൽ പെർമിറ്റുകളെ തൊഴിൽപരവും തൊഴിലാധിഷ്ഠിതവുമായ മാനദണ്ഡങ്ങളുമായി ബന്ധിപ്പിക്കുക.
4) തൊഴിലുടമകളുടെയും തൊഴിലാളികളുടെയും വ്യാപാര സമൂഹത്തിന്റെയും അവകാശസംരക്ഷണം ഉറപ്പാക്കുക.
5) നിയമവിരുദ്ധ പ്രവർത്തനങ്ങളിൽ ഏർപ്പെട്ടിരിക്കുന്ന തൊഴിലുടമകളെ കണ്ടെത്തുന്നതിനുള്ള പരിശോധന വർധിപ്പിക്കും.
