ഗുസ്തി താരങ്ങള് മെഡല് ഗംഗയില് ഒഴുക്കുന്നത് തടഞ്ഞ് കര്ഷക നേതാക്കള്. മെഡലുകള് ഗുസ്തി താരങ്ങളില് നിന്ന് കര്ഷകര് ഏറ്റുവാങ്ങി. ബികെയു നേതാവ് രാകേഷ് ടികായത്ത് അടക്കമുള്ള നേതാക്കളാണ് ഗുസ്തി താരങ്ങളെ അനുനയിപ്പിച്ചത്.
അഞ്ച് ദിവസത്തിനുള്ളില് നടപടിയുണ്ടാകണമെന്ന പ്രതീക്ഷയിലാണ് ഗുസ്തി താരങ്ങള് മെഡലുകള് ഗംഗയില് ഒഴുക്കുന്നതില് നിന്ന് താത്കാലികമായി പിന്മാറിയത്.
#WATCH | Naresh Tikait arrives in Haridwar where wrestlers have gathered to immerse their medals in river Ganga as a mark of protest against WFI chief and BJP MP Brij Bhushan Sharan Singh over sexual harassment allegations. He took medals from the wrestlers and sought five-day… pic.twitter.com/tDPHRXJq0T
— ANI (@ANI) May 30, 2023
ഗുസ്തി ഫെഡറേഷന് മുന് അധ്യക്ഷന് ബ്രിജ് ഭൂഷനെതിരെ നടപടിയെടുക്കാത്തതില് പ്രതിഷേധിച്ചാണ് ഗുസ്തി താരങ്ങള് ഒരുമാസത്തിലേറെയായി തെരുവില് സമരം ചെയ്യുന്നത്. ബിജെപി എം.പി കൂടിയായ ബ്രിജ് ഭൂഷണ് പ്രായ പൂര്ത്തിയാകാത്ത പെണ്കുട്ടികളെ ഉള്പ്പെടെ ലൈംഗികമായി അതിക്രമിച്ചെന്ന ഗുസ്തി താരങ്ങളുടെ പരാതിയില് യാതൊരു നടപടിയും എടുക്കാത്തതില് പ്രതിഷേധിച്ചാണ് ഗുസ്തി താരങ്ങളുടെ നടപടി.
പുതിയ പാര്ലമെന്റ് ഉദ്ഘാടന ദിവസം സമരം കടുപ്പിച്ച താരങ്ങള് ജന്തര് മന്തറില് നിന്ന് പാര്ലമെന്റിലേക്ക് നടത്തിയ മാര്ച്ച് സംഘര്ഷഭരിതമായിരുന്നു. മാര്ച്ച് തടഞ്ഞ പൊലീസ് പ്രതിഷേധിക്കുന്ന ഗുസ്തി താരങ്ങളെ വലിച്ചിഴച്ച് വണ്ടിയില് കയറ്റുന്ന കാഴ്ച ഹൃദയഭേദകമായിരുന്നു.
ഗുസ്തി താരങ്ങളുടെ സമരത്തെ അവഗണിച്ച് കേന്ദ്ര സര്ക്കാര്. ഒരു മാസമായി സമരം ചെയ്യുന്ന ഗുസ്തി താരങ്ങളുടെ ആവശ്യത്തെ ഇതുവരെ കേന്ദ്രം പരിഗണിച്ചിട്ടില്ല. ഇതില് പ്രതിഷേധിച്ച് കൂടിയാണ് ഗുസ്തി താരങ്ങള് മെഡലുകള് ഗംഗയിലൊഴുക്കാനുള്ള തീരുമാനത്തിലെത്തിയത്. നീതി ലഭിക്കുന്നതുവരെ നിരാഹാര സമരം ഇരിക്കുമെന്നും ഗുസ്തി താരങ്ങള് അറിയിച്ചു.