കിലിയന് എംബാപ്പെയുടെ ഷോട്ട് ദേഹത്ത് പതിച്ച് ഗാലറിയിലുണ്ടായിരുന്ന ആരാധകന് പരുക്കേറ്റു. ഫ്രാന്സ്-മൊറോക്കോ സെമി മത്സരത്തിന് മുന്നെ നടന്ന പരിശീലനത്തിനിടെയാണ് എംബാപ്പെ എടുത്ത ഷോട്ട് കാണികളിലൊരാളുടെ ദേഹത്ത് തട്ടിയത്. പരുക്കേറ്റയാളെ എംബാപ്പെ ആശ്വസിപ്പിക്കുന്ന വീഡിയോ സാമൂഹിക മാധ്യമങ്ങളില് പ്രചരിക്കുന്നുണ്ട്.
മത്സരത്തിന് മുന്നോടിയായി താരങ്ങള് പരിശീലനത്തിനിറങ്ങിയിരുന്നു. ഇതിനിടെയാണ് എംബാപ്പെ എടുത്ത ഷോട്ട് അബദ്ധത്തില് ഗാലറിയിലിരിക്കുകയായിരുന്ന കാണിയുടെ ദേഹത്തു ചെന്ന് പതിച്ചത്. പന്ത് ആരാധകന്റെ ദേഹത്ത് തട്ടിയെന്ന് മനസ്സിലാക്കിയ എംബാപ്പെ ഉടന് തന്നെ അടുത്തേക്ക് ഓടിച്ചെന്നു. അദ്ദേഹത്തെ പരിശോധിക്കുകയും ആശ്വസിപ്പിക്കുകയും ചെയ്ത ശേഷമാണ് എംബാപ്പെ പരിശീലനം തുടര്ന്നത്.