നീൽ ആങ്സ്ട്രോങ്ങിനൊപ്പം ചന്ദ്രനിൽ കാലുകുത്തിയ എഡ്വിൻ ആൽഡ്രിന് 93ാമത്തെ വയസിൽ പ്രണയ വിവാഹം. ജീവിതത്തിൻ്റെ പുതിയ ചുവടുവെപ്പാണിത്. ദീർഘകാലമായുള്ള പ്രണയത്തെ വിവാഹത്തിലൂടെ സ്വന്തമാക്കിയിരിക്കുകയാണ് എന്ന് ഫേസ്ബുക്കിൽ ആൽഡ്രിൻ കുറിച്ചു.
ലോസ് ആഞ്ചൽസിൽ ചെറിയ രീതിയിലുള്ള വിവാഹ ചടങ്ങായിരുന്നു നടത്തിയത്. അതേസമയം ആൽഡ്രിൻ്റെ 93 ആം പിറന്നാൾ ദിനത്തിൽ തന്നെയായിരുന്നു വിവാഹം നടന്നത്. ദീർഘകാലത്തെ പ്രണയവും പങ്കാളിയുമായ ഡോ. അൻസ വി ഫൗർ ആണ് വധു. 53,000ലൈക്കുകളാണ് അദ്ദേഹത്തിൻ്റെ പോസ്റ്റിന് ലഭിച്ചിരിക്കുന്നത്.
കൗമാരക്കാർ ഒളിച്ചോടുമ്പോഴുള്ള ആവേശമാണ് ഇപ്പോൾ അനുഭവിക്കുന്നതെന്നാണ് അദ്ദേഹം സന്തോഷത്തോടെ കുറിച്ചത്. 1969 ജൂലൈ 20നാണ് അപ്പോളോ 11 ൽ നീൽ ആങ്സ്ട്രോങ്ങിനൊപ്പം ആൽഡ്രിനും ചന്ദ്രനിലെത്തിയത്. ഇരുവരും ഒരുമിച്ച് ചന്ദ്രോപരിതലത്തിൽ നടക്കുകയും ചെയ്തിരുന്നു. മൈക്കൽ കോളിങ്ങായിരുന്നു സംഘത്തിലുണ്ടായിരുന്ന മൂന്നാമൻ.
