ഡ്രൈവർ വിസയില് സൗദിയിലെത്തുന്നവര്ക്ക് അവരുടെ രാജ്യത്തെ ലൈസന്സ് ഉപയോഗിച്ച് വാഹനം ഒടാക്കാന് അനുമതി നല്കി സൗദി. മൂന്നു മാസം വരെ വാഹനമോടിക്കാനാണ് അനുമതി നല്കിയത്. റിക്രൂട്ട് ചെയ്ത വിസയിൽ രാജ്യത്ത് പ്രവേശിച്ച തീയതി മുതലാണ് മൂന്ന് മാസ കാലപരിധി കണക്കാക്കുക.
ഡ്രൈവര് വിസയിലെത്തുന്നവര് ഇതിനിടയില് സൗദി ഡ്രൈവിംഗ് ലൈസന്സ് സ്വന്തമാക്കണമെന്നും അധികൃതര് അറിയിച്ചു. മാനദണ്ഡങ്ങൾക്ക് അനുസൃതമായാണ് സൗദി ഗതാഗത വകുപ്പിന്റെ പുതിയ നീക്കം. ഒരു സൗദി പൗരന്റെ ചോദ്യത്തിന് മറുപടിയായി നല്കുമ്പോഴാണ് സൗദി ട്രാഫിക് ഡിപ്പാർട്ട്മെന്റിന്റെ വിശദീകരണം.
ഇളവിന് വിദേശ ഡ്രൈവർ മാതൃരാജ്യത്തെ ലൈസൻസ് പരിഭാഷപ്പെടുത്തി അധികൃതര്ക്ക് സമര്പ്പിക്കണം. അംഗീകൃത സ്ഥാപനം വഴിയാകണം പരിഭാഷപ്പെടുത്തല്. ലൈസൻസിൽ പറഞ്ഞിരിക്കുന്ന തരം വാഹനം മാത്രമേ ഓടിക്കാൻ അനുമതി ലഭ്യമാകൂ. നിബന്ധനകൾ പാലിച്ചില്ലെക്കുന്നതില് വീഴ്ച സംഭവിച്ചാല് ഗതാഗത നിയമലംഘനമായി കണക്കാക്കുമെന്നും ശിക്ഷാനടപടികളിലേക്ക് കടക്കുമെന്നും മുന്നറിയിപ്പുണ്ട്.