യുഎഇ യിൽ നടക്കുന്ന ആഗോള കാലാവസ്ഥ ഉച്ചകോടിയിൽ യുഎൻ സെക്രട്ടറി ജനറൽ പങ്കെടുക്കും

യുഎഇ യിൽ നടക്കുന്ന ആ​ഗോ​ള കാലാവസ്ഥ ഉ​ച്ച​കോ​ടി​യി​ൽ (കോ​പ്​28) യുഎൻ സെ​ക്ര​ട്ട​റി ജനറൽ അ​​ന്റോ​ണി​യോ ഗു​ട്ട​റ​സ്​ പ​​ങ്കെ​ടു​ക്കും. കാ​ലാ​വ​സ്ഥ വ്യതിയാന വി​ഷ​യ​ത്തി​ലെ യുഎഇ​യു​ടെ പ്രത്യേക പ്രതിനിധിയും ഉ​ച്ച​കോ​ടി​യു​ടെ നിയുക്ത പ്രസിഡന്റുമായ ഡോ. ​സു​ൽ​ത്താ​ൻ അ​ൽ ജാബിർ യുഎ​ൻ ത​ല​വ​നുമായി നേ​രി​ട്ട്​ കൂടിക്കാഴ്ച ന​ട​ത്തി​യതിന് ശേഷമാണ് ഇക്കാര്യം സ്ഥിരീകരിച്ചത്.

‘കോ​പ്​28’ മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി ഡോ. സുൽത്താൻ അൽ ജാബിർ അമേരിക്കയിൽ സന്ദർശനം ന​ട​ത്തവേയാണ് അന്റോണിയോ ഗുട്ടറസുമായി കൂടിക്കാഴ്ച നടത്തിയത്. കൂടാതെ യുഎ​സ്​ പ്രസിഡന്റിന്റെ പ്ര​ത്യേ​ക കാലാവസ്ഥ പ്രതിനിധി ജോ​ൺ കെറിയുമായും അ​ദ്ദേ​ഹം കൂ​ടി​ക്കാ​ഴ്ച നടത്തി. കാലാവസ്ഥ പ്രവർത്തനങ്ങൾ ത്വരിതപ്പെടുത്തുന്നതിന് ആവശ്യമായ നടപടികളെ കുറിച്ച് ഇ​രു​വ​രും ചർച്ച ചെയ്തു.

അതേസമയം ആ​ഗോ​ള താ​പ​നി​ല കുറയ്ക്കാനുള്ള ശ്ര​മ​ങ്ങ​ളെ ലോ​കം ഗൗരവമായി കാ​ണു​ന്നി​ല്ലെ​ന്ന പൊതു വികാരം ഇ​രു​വ​രും പ​ങ്കു​വെ​ച്ചു. കൂടാതെ കാ​ർ​ബ​ൺ കൂടുതലായി പു​റ​ന്ത​ള്ളു​ന്ന പ്ര​ധാ​ന രാ​​​ജ്യങ്ങ​ൾ ഇതുമായി ബന്ധപ്പെട്ട് ശ​രി​യാ​യ ദിശയിൽ സഞ്ചരിക്കേണ്ടത് അനിവാര്യമാണെന്നും ഗുട്ടറസ് ചൂ​ണ്ടി​ക്കാ​ട്ടി. കൂടാതെ ദുബായ് എക്സ്പോ സി​റ്റി​യി​ൽ ഈ ​വ​ർ​ഷം ന​വം​ബ​റി​ൽ ന​ട​ക്കാനിരിക്കുന്ന ആഗോള കാലാവസ്ഥ ഉച്ചകോടിയിൽ പങ്കെടുക്കാമെന്ന ഉ​റ​പ്പും അദ്ദേഹം നൽകി.