കോയമ്പത്തൂര് റേഞ്ച് ഡി.ഐ.ജി സ്വയം നിറയൊഴിച്ച് ജീവനൊടുക്കി. ഡി.ഐ.ജി വിജയകുമാര് ആണ് ആത്മഹത്യ ചെയ്തത്. കുടുംബ പ്രശ്നങ്ങളെ തുടര്ന്നാണ് ആത്മഹത്യ എന്നാണ് നിഗമനം. സര്വീസ് റിവോള്വര് ഉപയോഗിച്ചാണ് നിറയൊഴിച്ചത്.
സുരക്ഷാ ജീവനക്കാരനോട് തോക്ക് ചോദിച്ച് വാങ്ങുകയായിരുന്നു. പ്രഭാത നടത്തം കഴിഞ്ഞ് തിരിച്ചെത്തിയ ശേഷമാണ് സംഭവം. മൃതദേഹം കോയമ്പത്തൂര് മെഡിക്കല് കോളേജ് ആശുപത്രിയില് സൂക്ഷിച്ചിരിക്കുന്നു. വിഷാദ രോഗത്തിന് ചികിത്സ തേടിയിരുന്നതായും സൂചനയുണ്ട്.
പൊലീസ് സേനയിലെ ഐ.പി.എസ് ഉദ്യോഗസ്ഥനായ വിജയകുമാര് 2009ലാണ് സര്വീസില് പ്രവേശിച്ചത്. കാഞ്ചീപുരം, കടലൂര്, നാഗപട്ടണം, തിരുവാരൂര് എന്നിവിടങ്ങളില് എസ്.പിയായി പ്രവര്ത്തിച്ചു. കഴിഞ്ഞ ജനുവരിയിലാണ് വിജയകുമാര് കോയമ്പത്തൂര് ഡി.ഐ.ജിയായി ചുമതലയേറ്റത്.