മുതലപ്പൊഴിയില് വീണ്ടും വള്ളം മറിഞ്ഞ് അപകടം. 20 പേരടങ്ങുന്ന വള്ളമാണ് അപകടത്തില്പ്പെട്ടത്. അപകടത്തില്പ്പെട്ട മത്സ്യത്തൊഴിലാളികളെ എല്ലാവരെയും രക്ഷപ്പെടുത്തി.
വര്ക്കല സ്വദേശികളാണ് വള്ളത്തിലുണ്ടായിരുന്നത്. അപകടത്തില് പരിക്കേറ്റ രണ്ട് പേരെ ചിറയിന്കീഴ് ആശുപത്രിയിലേക്ക് മാറ്റി.
രാവിലെ മത്സ്യബന്ധനത്തിന് പോകവേ ശക്തമായ തിരമാലയില് പെട്ടാണ് വള്ളം മറിഞ്ഞത്. ബുറാഖ് എന്ന വള്ളമാണ് മറിഞ്ഞത്. വര്ക്കല സ്വദേശി നൗഷാദിന്റെ ഉടമസ്ഥതയിലുള്ള വള്ളമാണ് ഇത്.
ജാഗ്രത മുന്നറിയിപ്പുകള് ഉള്ള ദിവസങ്ങളില് മുതലപ്പൊഴിയില് കടലില് പോകുന്നത് പൂര്ണമായി വിലക്കണം എന്ന് ആവശ്യപ്പെട്ട് തിരുവനന്തപുരം ഫിഷറീസ് ഡെപ്യൂട്ടി ഡയറക്ടര് സര്ക്കാരിന് നരിര്ദേശം നല്കിയിട്ടുണ്ട്. മുതലപ്പൊഴിയില് അപകടങ്ങള് തുടര്ക്കഥയാകുന്ന സാഹചര്യത്തിലാണ് കര്ശന നിര്ദേശവുമായി ഫിഷറീസ് വകുപ്പ് രംഗത്തെത്തിയത്.
കഴിഞ്ഞ ഞായറാഴ്ച നാല് പേരുമായി പോയ വള്ളം മറിഞ്ഞ് അപകടമുണ്ടായിരുന്നു. അപകടത്തില്പ്പെട്ടവരെ രക്ഷപ്പെടുത്തി. ജൂലൈയില് മുതലപ്പൊഴിയില് വള്ളം മറിഞ്ഞ് നാല് പേര് മരിച്ചിരുന്നു.