ലോകകപ്പ് മത്സരം നടക്കാനിരിക്കെ സഞ്ചരികളുടെ പ്രധാന ആകർഷങ്ങളിൽ ഒന്നായ ഖത്തറിലെ സീലൈൻ ബീച്ചിൽ പരിസ്ഥിതി – കാലാവസ്ഥ മന്ത്രാലയം നിയന്ത്രണങ്ങൾ ഏർപ്പെടുത്തി. മോട്ടോർ സൈക്കിൾ, കാരവാനുകൾ, സെമി ട്രെയിലറുകൾ, പോർട്ട് കാബിനുകൾ എന്നിവയ്ക്ക് ബീച്ചിൽ വിലക്കേർപ്പെടുത്തിയെന്ന നിർദേശം ശനിയാഴ്ച മുതൽ പ്രാബല്യത്തിൽ വരും.
എന്നാൽ, സന്ദർശകർക്ക് ബീച്ചിൽ പ്രവേശിക്കുന്നതിനും വിനോദങ്ങളിൽ ഏർപ്പെടുന്നതിനും തടസ്സമുണ്ടാവില്ല. അതേസമയം ലോകകപ്പ് അവസാനിക്കുന്നത് വരെ ഈ നിയന്ത്രണങ്ങൾ തുടരുമെന്ന് മന്ത്രാലയം വ്യക്തമാക്കി. മത്സരം കാണാനെത്തുന്നവരുടെ സുരക്ഷ ലക്ഷ്യമാക്കിയാണ് നിയന്ത്രണങ്ങൾ ഏർപ്പെടുത്തിയതെന്നും കൂട്ടിച്ചേർത്തു.