ഓസ്ട്രേലിയയിലെ വിക്ടോറിയ സർക്കാരിന്റെ 2021- 22 വർഷത്തെ നഴ്സിംഗ് വിദ്യാഭ്യാസ സ്ഥാപനത്തിനുള്ള അവാർഡുകൾ പ്രഖ്യാപിച്ചു. മെൽബൺ കേന്ദ്രമായി പ്രവർത്തിക്കുന്ന ഐ എച്ച് എൻ എ രണ്ട് അവാർഡുകൾ കരസ്ഥമാക്കി. വിക്ടോറിയ പ്രീമിയർ ഡാനിയേൽ ആൻഡ്രോസ് കൈയൊപ്പ് പതിച്ച ഇന്റർനാഷണൽ എഡ്യൂക്കേഷൻ അവാർഡും മികച്ച നിലവാരം പുലർത്തിയ സ്വകാര്യ വിദ്യാഭ്യാസ സ്ഥാപനത്തിനുമുള്ള അവാർഡുമാണ് ഐ എച്ച് എൻ എ യ്ക്ക് ലഭിച്ചത്. മെൽബണിൽ നടന്ന ചടങ്ങിൽ സി ഇ ഒ ബിജോ കുന്നുംപുറത്ത് അവാർഡുകൾ ഏറ്റുവാങ്ങി.
ആലപ്പുഴ സ്വദേശിയായ ബിജോ കുന്നുംപുറത്തു ഓസ്ട്രേലിയയിലെ ആരോഗ്യ വിദ്യാഭ്യസ മേഖലയിൽ ആരംഭിച്ച സ്ഥാപനങ്ങളാണ് IHNA & IHM. ആറു ക്യാമ്പസുകളിലായി പ്രതിവർഷം മൂവായിരത്തോളം വിദ്യാർത്ഥികൾക്ക് 16 വിവിധ വിഷയങ്ങളിലായി പഠിക്കാൻ കഴിയുന്നുണ്ട്.
ഡിപ്ലോമ നഴ്സിംഗ്, മാസ്റ്റർ ഓഫ് നഴ്സിംഗ് എന്നി കോഴ്സുകൾ പഠിക്കാനായാണ് കൂടുതൽ വിദ്യാർഥികളും ഐ എച്ച് എൻ എ യിലേക്കെത്തുന്നത്. 20 വർഷത്തിനുള്ളിൽ 18000 നഴ്സുമാരെ ഓസ്ട്രേലിയിലേക്ക് കൊണ്ടുവന്നത് ബിജോ തുടക്കം കുറിച്ച എം ഡബ്ല്യൂ ടി ഗ്ലോബൽ വഴിയായിരുന്നു. അവാർഡ് ചടങ്ങിന് ശേഷം ഐ എച്ച് എൻ എ യുടെ റോസന്ന ക്യാമ്പസ് ജീവനക്കാർ ബിജോ കുന്നുംപുറത്തിന് സ്വീകരണവും നൽകി.