കുറ്റ്യാടി മരുതോങ്കരയില്‍ വവ്വാലുകളെ പിടിക്കാന്‍ വലവിരിക്കാന്‍ തീരുമാനമായി. നിപ ബാധിച്ച് മരിച്ച മുഹമ്മദാലിയുടെ വാഴത്തോട്ടത്തിലാണ് വവ്വാലുകളെ പിടിക്കാന്‍ വല വിരിക്കുക.
അതേസമയം, കേന്ദ്ര ആരോഗ്യമന്ത്രാലയത്തില്‍ നിന്ന് എത്തിയ സംഘം മരുതോങ്കരയില്‍ എത്ത് പരിശോധന നടത്തി. മുഹമ്മദാലിയുടെ വീടും പരിസരവും പരിശോധിച്ച ശേഷം തോട്ടത്തിലെ ഫലവൃക്ഷങ്ങളും നോക്കിക്കണ്ടു. മുഹമ്മദാലിയുടെ തറവാട് വീടും പരിസരവും കണ്ട ഇവര്‍ അദ്ദേഹം മുമ്പ് ഏര്‍പ്പെട്ടിരുന്ന ജോലിയും മറ്റു വിവരങ്ങളും വീട്ടുകാരോട് ചോദിച്ചറിഞ്ഞു.
വീടിന് സമീപത്തെ തോട്ടത്തില്‍ നിന്ന മുഹമ്മദാലി വാഴക്കുല വെട്ടിയതായി വീട്ടുകാര്‍ അറിയിച്ിചരുന്നു. വവ്വാല്‍ സര്‍വേ ടീം അംഗങ്ങളായ നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജി സെന്റര്‍ കേരള യൂണിറ്റിലെ ശാസ്ത്രജ്ഞര്‍ ഡോ. ബാല സുബ്രഹ്മണ്യത്തിന്റെ നേതൃത്വത്തിലുള്ള നാലംഗ സംഘമാണ് കുറ്റ്യാടിയിലെത്തിയത്. ഹനുല്‍ തുക്രല്‍, എം സന്തോഷ് കുമാര്‍, ഗജേന്ദ്രസിംഗ് എന്നിവരും സംഘത്തിലുണ്ട്.
