യുഎഇയിൽ മൂടൽമഞ്ഞ് ശക്തമാവുന്ന സാഹചര്യത്തിൽ റെഡ്, യെല്ലോ അലർട്ടുകൾ തുടരും കുറഞ്ഞ തിരശ്ചീന ദൃശ്യപരതയും അനുഭവപ്പെടുന്നത് തുടരുന്നതിനാൽ വാഹനമോടിക്കുന്നവർ ജാഗ്രത പാലിക്കണം. വേഗപരിധി മാറ്റുന്നത് ശ്രദ്ധിക്കണമെന്നും പോലീസ് മുന്നറിയിപ്പ് നൽകി.
അതേസമയം രാജ്യത്തിന്റെ തീരപ്രദേശങ്ങളിലും ആഭ്യന്തര പ്രദേശങ്ങളിലും മൂടൽമഞ്ഞ് ശക്തമാവും. രാജ്യത്തെ താപനില 43 ഡിഗ്രി സെൽഷ്യസ് വരെയാവാം. അബുദാബിയിൽ 28 ഡിഗ്രി സെൽഷ്യസിലും ദുബായിൽ 29 ഡിഗ്രി സെൽഷ്യസിലും താപനില ഉയരും. അബുദാബിയിൽ 38 ഡിഗ്രി സെൽഷ്യസിലേക്കും ദുബായിൽ 39 ഡിഗ്രി സെൽഷ്യസിലേക്കും മെർകുറി ഉയരും. അറേബ്യൻ ഗൾഫിലും ഒമാൻ കടലിലും സ്ഥിതി നേരിയ തോതിലായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി.