മന്ത്രിമാരെ വേദിയിലിരുത്തി സര്ക്കാരിനെതിരെ വിമര്ശന മുന്നയിച്ച നടന് ജയസൂര്യയ്ക്ക് പിന്തുണയുമായി നടന് ജോയ് മാത്യു. ജയസൂര്യ ജയിച്ച സൂര്യനാണെന്നാണ് ജോയ് മാത്യു പറഞ്ഞത്.
തമ്പ്രാനെ മുതുക് കുനിച്ച് വണങ്ങിയാലേ എന്തെങ്കിലും നക്കാപ്പിച്ച കിട്ടൂ എന്ന് കരുതുന്നവര്ക്കിടയില് നടത്തിയ ജനകീയ വിചാരണയോടെ ജയസൂര്യ തന്റെ പേരു പോലെ തന്നെ ജയിച്ച സൂര്യന് ആയെന്നാണ് ജോയ് മാത്യുവിന്റെ ഫേസ്ബുക്ക് പോസ്റ്റ്.
ഫെയ്സ്ബുക്ക് കുറിപ്പിന്റെ പൂര്ണരൂപം
തിരുവോണസൂര്യന്
——————-
മന്ത്രിമാരുള്ള വേദിയില് പഞ്ചപുച്ഛമടക്കിതൊഴുതു താണുവണങ്ങി നില്ക്കുന്ന കലാ-സാഹിത്യകാരാണെങ്ങും.
ഇപ്പോഴും രാജവാഴ്ചയാണെന്നും.
തമ്പ്രാനെ മുതുക് കുനിച്ചു വണങ്ങിയാലേ എന്തെങ്കിലും നക്കാപ്പിച്ച കിട്ടൂവെന്ന് കരുതുന്നവര്ക്കിടയില് നടത്തിയ ജനകീയ വിചാരണയോടെ ജയസൂര്യ ആ പേരുപോലെ ജയിച്ച സൂര്യനായി.
അധികാരികളുടെ പുറം ചൊറിയലല്ല, ദുരിതമനുഭവിക്കുന്നവരുടെ നിസ്സഹായാവസ്ഥ അവരെ ബോധിപ്പിക്കുകയാണ് വേണ്ടത് എന്ന ശരിയായ തീരുമാനം പ്രവൃത്തിപഥത്തില് കൊണ്ടുവന്ന ജയ സൂര്യയാണ് ഇക്കൊല്ലത്തെ തിരുവോണസൂര്യന്!