അന്യഗ്രഹങ്ങളില് മനുഷ്യരുണ്ടാകാനുള്ള സാധ്യതയെ മുൻ നിർത്തി ഭൂമിയിലിരുന്ന് മനുഷ്യർ പലതരം ഭാവനകളിലൂടെ സഞ്ചരിച്ചിട്ടുണ്ട്. എന്നാല് അന്യഗ്രഹ ജീവിയ്ക്ക് ഒരു കരടിയുടെ ഛായയുണ്ട്. ഈ സാധ്യത സൂചിപ്പിക്കുന്ന തരത്തിലുള്ള ഒരു ചിത്രം ചൊവ്വയുടെ ഉപരിതലത്തില് നിന്ന് നാസ പകര്ത്തിയിട്ടുണ്ട്.
ചൊവ്വയുടെ നിരീക്ഷണ ഓര്ബിറ്ററിലെ ഹൈ റെസല്യൂഷന് ഇമേജിംഗ് സയന്സ് എക്സ്പെരിമെന്റ് ക്യാമറയിലാണ് ഈ അപൂർവ്വ ചിത്രം പകർത്തിയത്. ഉപരിതലത്തില് കണ്ട ഈ രൂപത്തെ ചില ഭാഗങ്ങളെ സൂം ചെയ്ത് നോക്കിയാൽ കരടിയുടെ മുഖമുള്ള രൂപം കാണാം. ഹൈറൈസ് ബ്യൂട്ടിഫുള് മാര്സ് (നാസ) ട്വിറ്റര് ഹാന്ഡിലാണ് ഈ ചിത്രം പങ്കുവച്ചത്. നിരവധി പേർ ചിത്രം ഏറ്റെടുത്തു.
അതേസമയം കരടിയുടെ മൂക്കായി കാണുന്ന പ്രദേശം ഒരു അഗ്നിപര്വതം ആകാനാണ് സാധ്യതതയെന്ന് അരിസോണ സര്വകലാശാല നടത്തിയ ഗവേഷണം പറയുന്നു. കൂടാതെ കരടിയിലെ കണ്ണുകളായി തോന്നുന്ന ഭാഗങ്ങള് രണ്ട് ഗര്ത്തങ്ങളായും ഇവയ്ക്ക് ചുറ്റും വൃത്താകൃതിയിലുള്ള ഒരു പാറ്റേണും രൂപപ്പെട്ടിട്ടുണ്ടെന്ന് വിലയിരുത്തുന്നു.