തൃശൂരില്‍ മണലി മടവാക്കരയില്‍ പാചക വാതക സിലിണ്ടറുകള്‍ കയറ്റിയ വാഹനത്തിന് തീപിടിച്ചു. പാചക വാതകം വിതരണം ചെയ്യുന്ന ടെംപോ ഗുഡ്‌സ് വാഹനത്തിനാണ് തീപിടിച്ചത്. വണ്ടി സ്റ്റാര്‍ട്ടാക്കിയതിന് പിന്നാലെയാണ് തീപിടിത്തമുണ്ടായത്.
ഉടന്‍തന്നെ തീ അണയ്ക്കാനായത് വലിയ ദുരന്തം ഒഴിവാക്കി. ഈ സമയം 40 ഗര്‍ഹിക പാചക വാതക സിലിണ്ടറുകളാണ് വണ്ടിയില്‍ ഉണ്ടായിരുന്നത്. ഡ്രൈവറുടെ കാബിനില്‍ നിന്നാണ് തീ പടര്‍ന്നത്. ഉടന്‍ തന്നെ നാട്ടുകാരും ജീവനക്കാരുമെത്തി തീ കെടുത്തുകയായിരുന്നു.
പുതുക്കാട് വിഷ്ണു ഗ്യാസ് ഏജന്‍സിയുടെ വാഹനമാണ് കത്തിയത്. ഷോര്‍ട്ട് സര്‍ക്യൂട്ട് കാരണമാണ് വാഹനത്തിന് തീപിടിത്തമുണ്ടായതെന്ന് പരിശോധനയില്‍ തെളിഞ്ഞു. ഉടന്‍ തന്നെ സ്ഥലത്ത് പൊലീസ് എത്തി പരിശോധനയും നടത്തിയിരുന്നു.
