ഏഷ്യാ കപ്പ് ക്രിക്കറ്റ് ടൂർണമെൻ്റിൻ്റെ മത്സരക്രമം പ്രഖ്യാപിച്ചു. ഒരേ ഗ്രൂപ്പിൽ വന്നതോടെ ഇന്ത്യയും പാകിസ്ഥാനും തമ്മിൽ പതിനഞ്ച് ദിവസത്തിനിടെ മൂന്ന് മത്സരങ്ങൾ വരെ നടക്കാൻ സാധ്യതയുള്ള തരത്തിലാണ് ഏഷ്യാകപ്പ് മത്സരക്രമം ക്രമീകരിച്ചിരിക്കുന്നത്. ആകെ ആറ് ടീമുകളാണ് ഇക്കുറി ഏഷ്യാകപ്പിൽ മാറ്റുരയ്ക്കുന്നത്. ഇന്ത്യ, പാകിസ്ഥാൻ, ശ്രീലങ്ക, ബംഗ്ലാദേശ്, അഫ്ഗാനിസ്ഥാൻ, നേപ്പാൾ. ഇതിൽ ഇന്ത്യയും പാകിസ്ഥാനും നേപ്പാളും എ ഗ്രൂപ്പിലും ശ്രീലങ്കയും ബംഗ്ലാദേശും അഫ്ഗാനിസ്ഥാനും ബി ഗ്രൂപ്പിലുമാണ് വരുന്നത്. ആദ്യ രണ്ട് ടീമുകൾ സൂപ്പർ ഫോർ സ്റ്റേജിലെത്തും.
ശ്രീലങ്കയിലെ കാൻഡിയിൽ സെപ്തംബർ 2 ന് ഷെഡ്യൂൾ ചെയ്ത ഇന്ത്യ-പാകിസ്ഥാൻ ഏറ്റുമുട്ടലിനൊപ്പം ഏഷ്യാ കപ്പിന്റെ മത്സരങ്ങൾ ബുധനാഴ്ച പ്രഖ്യാപിച്ചു. നേപ്പാളിനൊപ്പം ഗ്രൂപ്പ് എയിൽ ഇടംപിടിച്ച പ്രധാന എതിരാളികൾ സൂപ്പർ 4-ലേയ്ക്കും ഫൈനലിലേയ്ക്കും മുന്നേറുമ്പോൾ 15 ദിവസത്തിനുള്ളിൽ മൂന്ന് തവണ പരസ്പരം ഏറ്റുമുട്ടിയേക്കാം.
ആഗസ്റ്റ് 30-ന് പാകിസ്ഥാനിലെ മുൾട്ടാനിൽ നടക്കുന്ന ഉദ്ഘാടന മത്സരത്തിൽ പാകിസ്ഥാൻ നേപ്പാളിനെ നേരിടും. സെപ്തംബർ രണ്ടിന് ക്യാൻഡിയിൽ വച്ചാണ് ഇന്ത്യയും പാകിസ്ഥാനും തമ്മിലുള്ള ഗ്രൂപ്പ് മത്സരം. സെപ്തംബർ നാലിനാണ് ഇന്ത്യയും നേപ്പാളും തമ്മിലുള്ള മത്സരം. നേപ്പാൾ അട്ടിമറിയൊന്നും നടത്തിയില്ലെങ്കിൽ ഗ്രൂപ്പിൽ ആദ്യ രണ്ട് സ്ഥാനക്കാർ തമ്മിൽ ഏറ്റുമുട്ടുന്ന സെപ്തബർ പത്തിലെ മത്സരത്തിൽ വീണ്ടും ഇന്ത്യയും പാകിസ്ഥാനും തമ്മിൽ ഏറ്റുമുട്ടും. കൊളംബോയിൽ വച്ചാവും ഈ മത്സരം.
മത്സരക്രമം –
ആഗസ്റ്റ് 30 – പാകിസ്ഥാൻ – നേപ്പാൾ – മുൾട്ടാൻ, പാകിസ്ഥാൻ
ആഗസ്റ്റ് 31 – ബംഗ്ലാദേശ് – ശ്രീലങ്ക – ക്യാൻഡി, ശ്രീലങ്ക
സെപ്തംബർ രണ്ട് – പാകിസ്ഥാൻ – ഇന്ത്യ ക്യാൻഡി, ശ്രീലങ്ക
സെപ്തംബർ മൂന്ന്- ബംഗ്ലാദേശ് – അഫ്ദാനിസ്ഥാൻ ലാഹോർ, പാകിസ്ഥാൻ
സെപ്ചതംബർ നാല് – ഇന്ത്യ – നേപ്പാൾ, ക്യാൻഡി, ശ്രീലങ്ക
സെപ്തംബർ അഞ്ച് – അഫ്ഗാനിസ്ഥാൻ – ശ്രീലങ്ക, ലാഹോർ, പാകിസ്താൻ
I am happy to announce the schedule for the highly anticipated Men's ODI #AsiaCup2023, a symbol of unity and togetherness binding diverse nations together! Let's join hands in the celebration of cricketing excellence and cherish the bonds that connect us all. @ACCMedia1 pic.twitter.com/9uPgx6intP
— Jay Shah (@JayShah) July 19, 2023
