ദില്ലി: മധ്യപ്രദേശ്, രാജസ്ഥാൻ, ചത്തീസ്ഗണ്ഡ് നിയമസഭ തെരഞ്ഞെടുപ്പുകളില് വിജയിച്ച ബിജെപി എംപിമാര് രാജിവച്ചു. ബിജെപിയുടെ 12 എംപിമാരാണ് എംഎല്എമാരായി വിജയിച്ചത്. ഇവരിൽ പത്ത് പേരാണ് ഇന്ന് രാജിവച്ചത്. കേന്ദ്ര മന്ത്രി രേണുക സിങ്, മഹന്ത് ബാലകാന്ത് എന്നിവര് രാജിവെച്ചിട്ടില്ല. എന്നാൽ ഇവരും വൈകാതെ രാജിവയ്ക്കും.
ഇന്ന് രാജിവച്ചവരില് കേന്ദ്ര മന്ത്രിമാരായ നരേന്ദ്ര സിങ് തോമര്, പ്രഹ്ലാദ് സിംഗ് പട്ടേല് ഉള്പ്പെടെയുള്ളവരും ഉൾപ്പെടും. കേന്ദ്ര മന്ത്രിമാര് ഉള്പ്പെടെ രാജിവെച്ച സാഹചര്യത്തില് കേന്ദ്ര മന്ത്രിസഭയില് വൈകാതെ അഴിച്ചുപണിയുണ്ടാകുമെന്നാണ് സൂചന. രാജിവെച്ച എംപിമാര്ക്ക് സംസ്ഥാനങ്ങളില് നിര്ണായക ചുമതലകള് നല്കിയേക്കും. തെരഞ്ഞെടുപ്പിന് അഞ്ചോ ആറോ മാസം മാത്രം അവശേഷിക്കുന്ന സാഹചര്യത്തിൽ കൂടുതൽ മന്ത്രിമാരെ പാർട്ടി ചുമതലകളിലേക്ക് കൊണ്ടുവരാനും സാധ്യതയുണ്ട്. രാജിവെച്ച എംപിമാര് ബിജെപി ദേശീയ അധ്യക്ഷന് ജെപി നഡ്ഡയെ കണ്ട് ചർച്ച നടത്തി.
പ്രധാനമന്ത്രി നരേന്ദ്ര മോദിയുടെയും ബിജെപി ദേശീയ അധ്യക്ഷന് ജെപി നഡ്ഡയുടെയും അധ്യക്തയില് ചേര്ന്ന ഉന്നതതലയോഗത്തിന് പിന്നാലെയാണ് എംപിമാരുടെ രാജി. നരേന്ദ്ര സിംങ് തോമര്, പ്രഹ്ലാദ് സിംഗ് പട്ടേല് എന്നിവര്ക്ക് പുറമെ മധ്യപ്രദേശില്നിന്നുള്ള രാകേഷ് സിങ്, ഉദയ് പ്രതാപ്, റിതി പതക്, ഛത്തീസ്ഗഡില്നിന്നുള്ള അരുണ് സഹോ, ഗോമതി സായി, രാജസ്ഥാനില്നിന്നുള്ള രാജ്യവര്ധന് സിങ് റാത്തോഡ്, കിരോടി ലാല് മീണ, ദിയ കുമാരി എന്നിവരാണ് രാജിവച്ചത്.