തിരുവനന്തപുരം: സംസ്ഥാനത്ത് ആറ് ജില്ലകളിൽ താപനില മുന്നറിയിപ്പ്. താപനില സാധാരണയെക്കാൾ 2 മുതൽ 4 ഡിഗ്രി സെൽഷ്യസ് വരെ ഉയരാം എന്നാണ് മുന്നറിയിപ്പ്. പാലക്കാട് ഉയർന്ന താപനില 40 ഡിഗ്രി സെൽഷ്യസിന് അടുത്തും കൊല്ലം, കോട്ടയം, തൃശ്ശൂർ ജില്ലകളിൽ ഉയർന്ന താപനില 38 ഡിഗ്രി സെൽഷ്യസിന് അടുത്തും തുടരും. കോഴിക്കോട്, ആലപ്പുഴ ജില്ലകളിൽ ഉയർന്ന താപനില 37 ഡിഗ്രി സെൽഷ്യസിന് അടുത്തായിരിക്കും.
കഴിഞ്ഞ കുറച്ചു ദിവസമായി കേരളത്തിന്റെ ശരാശരി ചൂട് 36°c മുകളിൽ തുടരുകയാണ്. തെക്കൻ കേരളത്തിൽ ഇന്നലെ മുതൽ ഒറ്റപ്പെട്ട മഴ സാധ്യതയുണ്ട്. പലയിടത്തും ഇന്നലെ മഴ ലഭിക്കുകയും ചെയ്തിരുന്നു. വരും ദിവസങ്ങളിൽ വടക്കൻ കേരളം ഉൾപ്പെടയുള്ള മേഖലയിൽ വേനൽ മഴക്ക് സാധ്യതയുണ്ടെന്നാണ് കാലാവസ്ഥാ നിരീക്ഷകരുടെ പ്രവചനം. കൂടുതലും മഴ മലയോര മേഖലയിലാവും ലഭിക്കുക.