തിരുവനന്തപുരം: സംസ്ഥാനത്ത് ഇന്നും പതിനായിരക്കണക്കിന് പനി കേസുകൾ. 13196 പേരാണ് പനി ബാധയുമായി ഇന്ന് ചികിത്സ തേടി സംസ്ഥാനത്തെ വിവിധ ആശുപത്രികളിൽ എത്തിയത്.
145 പേർക്ക് ഇന്ന് ഡെങ്കിപ്പനി സ്ഥിരീകരിച്ചു. 416 പേർ ഡെങ്കിപനിയുടെ രോഗ ലക്ഷണങ്ങളുമായി ചികിത്സയിലാണ്. 42 പേർക്ക് എച്ച് വൺ എൻ വൺ പനിയും സ്ഥിരീകരിച്ചിട്ടുണ്ട്. രോഗവ്യാപനം തുടരുന്ന പശ്ചാത്തലത്തിൽ ആരോഗ്യവകുപ്പ് സംസ്ഥാനത്താകെ ജാഗ്രതാ നിർദ്ദേശം നൽകിയിട്ടുണ്ട്.
ഇതിനിടെ തിരുവനന്തപുരം നെയ്യാറ്റിൻകരയില് ആറു പേര്ക്ക് കൂടി കോളറ സ്ഥിരീകരിച്ചു. ഇതോടെ കോളറ ബാധിതരായി ചികിത്സയിലുള്ളവരുടെ എണ്ണം പത്തായി.
