യുഎഇയിൽ ഇന്ന് മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. പകൽ സമയം അന്തരീക്ഷം പൊടിനിറഞ്ഞതും ചിലപ്പോൾ മേഘാവൃതവുമായിരിക്കും.
രാജ്യത്തെ താപനില 47 ഡിഗ്രി സെൽഷ്യസ് ആയി ഉയർന്നേക്കാം. എന്നാൽ അബുദാബിയിലും ദുബൈയിലും 29 ഡിഗ്രി സെൽഷ്യസ് ആയി താപനില കുറയുവാനുള്ള സാധ്യത കാണുന്നുണ്ടെന്നാണ് വിലയിരുത്തൽ.
തെക്ക് പടിഞ്ഞാറു ഭാഗങ്ങളിലായി സംവഹന മേഘങ്ങൾ രൂപപ്പെടാം. അറേബ്യൻ ഗൾഫിൽ കടൽ പ്രഷുബ്ധമാവാനുള്ള സാധ്യതയുണ്ട്. അതേസമയം ഒമാനിൽ കടൽ നേരിയതോതിലായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി അറിയിച്ചു.