യു എ ഇയിലെ കാലാവസ്ഥ പൊതുവെ സാധാരണ ഗതിയിലായിരിക്കും. അന്തരീക്ഷം ചിലപ്പോൾ ഭാഗികമായി മേഘാവൃതമായിരിക്കാനും സാധ്യതയുണ്ട്. ഉച്ചയോടുകൂടി കിഴക്കോട്ട് മേഘങ്ങൾ പ്രത്യക്ഷപ്പെടുമെന്നും താപനിലയിൽ ഗണ്യമായ കുറവുണ്ടാകുമെന്നും ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
രാജ്യത്ത് താപനില 40 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിൽ 35 ഡിഗ്രി സെൽഷ്യസിലേക്കും ദുബായിൽ 34 ഡിഗ്രി സെൽഷ്യസിലേക്കും മെർക്കുറി ഉയരും. രാത്രിയിലും ബുധനാഴ്ച രാവിലെയും ഈർപ്പമുള്ളതായിരിക്കുമെന്നും വിലയിരുത്തുന്നു. ചില തീരപ്രദേശങ്ങളിലും ആന്തരിക പ്രദേശങ്ങളിലും മൂടൽമഞ്ഞ് രൂപപ്പെടാനുള്ള സാധ്യതയുണ്ട്.
അബുദാബിയിലും ദുബായിലും ഈർപ്പത്തിന്റെ അളവ് 35 മുതൽ 90 ശതമാനം വരെയാണ്. അതേസമയം നേരിയതോ മിതമായതോ ആയ കാറ്റ് വീശാനും സാധ്യതയുണ്ട്. അറബിക്കടലിലും ഒമാൻ കടലിലും കടലിൽ സ്ഥിതി നേരിയ തോതിൽ ആയിരിക്കുമെന്നും ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.